قازاقستان رەسپۋبليكاسى قورعانىس مينيسترلىگى تاربيە جۇمىستارىنا تارتىلاتىن اسكەري قىزمەتكەرلەر اراسىندا ايەلدەردىڭ سانىن كوبەيتۋدى قولعا الماق. بۇل تۋرالى باس شتاب باسشىسى ساكەن جاسۇزاقوۆ ماجىلىستە وتكەن ۇكىمەت ساعاتىندا حابارلادى.

ونىڭ ايتۋىنشا، باتالون اراسىندا ايەلدەر كومانديردىڭ تاربيە ىستەرى جونىندەگى ورىنباسارى بولىپ تاعايىندالعان. «وسىنداي كادرلىق اۋىس-تۇيىستەن كەيىن اسكەري قىزمەتكەرلەر ۇقىپتى ءارى تاپ-تازا بولا باستادى. سوزبەن ايتىپ جەتكىزۋ مۇمكىن ەمەس»، - دەگەن مينيستر، بۇل جۇمىستىڭ ودان ءارى وسىلاي جالعاساتىنىن اتاپ ءوتتى.

ءماجىلىس دەپۋتاتى ۆلاديمير بوجكا دا وسى باستاماعا قولداۋ كورسەتىپ، نەگىزىنەن مەكتەپتى التىن بەلىمەن بىتىرۋشىلەردىڭ كوبىسىنىڭ قىز بالالار ەكەنىن، سول ءۇشىن ولاردىڭ بىلىمدەرى مەن قابىلەتتەرىن پايدالانۋ كەرەكتىگىن ايتتى. ول: «نەگىزىنەن، ءبىز، ەر ادامدار ايەلدەردى قورعاۋعا مىندەتتى بولساق تا، الەمدىك تاجىريبەدەن دە قالىس قالماۋىمىز كەرەك» ، - دەدى.

“The Qazaq Times”