ارمەنيادا كوروناۆيرۋستىڭ ەكىنشى تولقىنى باستالدى. بۇل تۋرالى ەل پرەمەر-ءمينيسترى نيكول پاشينيان مالىمدەدى.
جۋرناليستەرگە وتكىزىلگەن بريفينگ بارىسىندا پاشينيان: «ەلدە كوروناۆيرۋستىڭ ەكىنشى تولقىنى باستالدى. بىرنەشە كۇن بويى كومەنداتۋرامەن بەكىتىلگەن ەرەجەلەر قالىپتاسقان احۋالعا قانشالىقتى سايكەس كەلەتىنىن تالقىلاپ كەلەمىز. بىرنەشە ۋاقىت ارالىعىندا قابىلدانعان شەكتەۋلەر ءتيىمدى. دەگەنمەن وسى شەكتەۋلەردى، ەرەجەلەردى ساقتاۋ جاعىنان ماسەلەلەر كوپ تۋىنداپ وتىر»، – دەدى.
كوروناۆيرۋس پاندەمياسىنىڭ ورشۋىنە بايلانىستى ارمەنيادا 16 ناۋرىزدان باستاپ توتەنشە جاعداي رەجيمى ەنگىزىلگەن بولاتىن. 25 مامىردان باستاپ حالىق ماسكا تاعىپ ءجۇرۋ رەجيمىنە كوشتى. تەك جابىق ورىنداردا عانا ەمەس، اشىق جانە قوعامدىق جەرلەردە ماسكا تاعۋ مىندەتتەلدى.
ارمەنيا دەنساۋلىق ساقتاۋ مينيسترلىگى اۋرۋدى باقىلاۋ جانە الدىن الۋ جونىندەگى ۇلتتىق ورتالىقتىڭ مالىمەتىنشە، ەلدە كوروناۆيرۋس ينفەكتسياسىن جۇقتىرعان 7744 جاعداي تىركەلگەن، ولاردىڭ 3225-ءى ساۋىعىپ شىقتى. 4421 پاتسيەنت ەم قابىلداپ جاتىر. 98 ناۋقاس قايتىس بولعان.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى