كەيستەر سانى 7 مىڭنان اسقان قازاقستان ورتا ازيادا العاشقى ورىندا تۇر

وتكەن تاۋلىكتە قازاقستاندا كوروناۆيرۋس جۇقتىرعان 265 ادام انىقتالدى, ونىڭ 84-ءى استانادا تىركەلگەن.

الماتى قالاسىندا 57 ناۋقاس بەلگىلى بولعان. شىمكەنت قالاسى مەن اتىراۋ، الماتى، باتىس قازاقستان، قاراعاندى وبلىستارىندا ونداعان ادامنان COVID-19 تابىلعان. بۇل تۋرالى 21 مامىردا تاڭەرتەڭ دەنساۋلىق ساقتاۋ مينيسترلىگى حابارلادى. سايكەسىنشە جيىنتىق ءوسىم 3,8% كورسەتتى.

استانا – 84 (6,4%)
الماتى قالاسى – 57 (3,0%)
اتىراۋ وبلىسى – 24 (3,0%)
شىمكەنت قالاسى – 23 (4,7%)
الماتى وبلىسى – 19 (8,7%)
باتىس قازاقستان وبلىسى – 13 (3,8%)
قاراعاندى وبلىسى – 13 (4,5%)
قىزىلوردا وبلىسى – 11 (4,3%)
پاۆلودار وبلىسى – 9 (5,4%)
جامبىل وبلىسى – 5 (2,3%)
اقتوبە وبلىسى – 2 (0,9%)
تۇركىستان وبلىسى – 2 (0,8%)
اقمولا وبلىسى – 1 (0,7%)
شىعىس قازاقستان وبلىسى – 1 (1,7%)
ماڭعىستاۋ وبلىسى – 1 (0,6%)

جالپى ەل بويىنشا اۋىرعان ادامداردىڭ سانى – 7234 بولدى.

دەسە دە ەل ىشىندە ىندەتتىڭ بارىنا سەنبەيتىندەر دە از ەمەس. ساراپشىلار مۇنى بيلىكتىڭ جەتە اقپاراتتاندىرماۋىنان، باق وكىلدەرىنە اۋرۋحانا ماڭىنان سانيتارلىق نورمالار مەن مەديتسينالىق قۇپيانى قاتاڭ ساقتاپ حابار تاراتۋىنا رۇقسات بەرمەۋىمەن بايلانىستىرادى. كەش تە بولسا ۇققان بولۋى كەرەك، جەرگىلىكتى اكىمدىكتەر دەرتكە شالدىققان ەرىكتى ناۋقاستار مەن دارىگەرلەردىڭ ۇندەۋىن قولعا الا باستاپتى. تۇركىستان وبلىسىندا COVID-19 ينفەكتسياسىن جۇقتىرعان ناۋقاستار مەن دارىگەرلەر مالىمدەمە جاسادى. ولار حالىقتى ساقتىق شارالارىن قاداعالاپ، ءوز دەنساۋلىعىنا نەمقۇرايلى قاراماۋعا شاقىرادى.