ادىلەت مينيسترلىگى ۆ.حراپۋنوۆتىڭ سوڭىنا مىقتاپ ءتۇستى

قازاقستاننىڭ ادىلەت مينيسترلىگى الماتىنىڭ بۇرىنعى اكىمى ۆيكتور حراپۋنوۆتى تۇتقىنداۋعا مىقتاپ كىرىستى. ەكس اكىم جەمقورلىقپەن ايىپتالعان بولاتىن. ونىڭ مەملەكەتكە كەلتىرگەن شىعىنى 300 ملن. دوللار ەكەن.

ۆ.حراپۋنوۆتى بۇرىن دا زاڭمەن قۋدالاماق بولعان. الماتى اكىمدىگى 2014 جىلى سوتقا تالاپ بىلدىرگەن. 2015 جىلى سوت ونى نازارعا المادى. ءىس شۆەيتساريادا قارالۋ كەرەك بولاتىن. ادىلەت ءمينيسترى مارات بەكەتاەۆتىڭ ايتۋىنشا، ەندىگى سوت تىڭداۋى كاليفلورنيادا بولماق. وندا قازاقستان تاراپى حراپۋنوۆتىڭ قىلمىسى تۋرالى بارلىق دالەل، فاككتىلەرىن كورسەتۋگە مۇمكىندىگى بار. كاليفورنيادا حراپۋنوۆتىڭ ۆيللالارى مەن قىمبات باعالى كولىكتەرى بار. اقش سوتى شىعارعان كەز-كەلگەن ۇكىم الەمنىڭ بارلىق جەرىندە زاڭدىق كۇشكە يە. حراپۋنوۆ مۇلكىن قالاي جاسىرسا دا وسى شەشىم ارقىلى ولاردى ساتىپ، الماتى قالاسىنا كەلگەن شىعىننىڭ ورنىن تولتىرۋعا بولادى.

الايدا، ەكس اكىم دە وسال ەمەس. ول دا مىقتى زاڭگەر جالداعان. مۇلكى وفشورلىق كومپانيالار ارقىلى باسقا زاڭدى تۇلعاعا اۋدارىلعان. ونىڭ حراپۋنوۆتىكى ەكەنىن دالەلدەۋ كەرەك. ياعني، ادىلەت قازاقستان تاراپىنا ۇيىمداسقان جۇمىس اتقارۋ كەرەك. ال، مينيستر قازاقستان حالقىنان اقشا ۇرلاعان كەز-كەلگەن ۇرى ونى شەتەلدە پايدالانا المايدى دەپ وتىر.

“The Qazaq Times”