پاكىستاندا تاعى لاڭكەستىك شابۋىل جاسالدى

پاكىستان تالىپتەرىنىڭ ءبىر تارماعى بولىپ تابىلاتىن «ءال-احرار جاماعاتى» لاڭكەستىك توبى وسى ەلدىڭ سولتۇستىك-باتىسىندا شيىتتەر تۇراتىن پاراچينار قالاسىندا ورىن العان جارىلىستىڭ جاۋاپكەرشىلىگىن ءوز موينىنا الدى. بۇل تۋرالى "فارس" ءباسپاسوزى جازدى.

«ءال-احرار جاماعاتى» لاڭكەستىك توبى جۇما كۇنى بەينە جولداۋ ارقىلى پاكىستاننىڭ اقپارات قۇرالدارىنا بۇل توپتىڭ پاراچيناردا بومبا قويعانىن حابارلادى. لاڭكەستىك جارىلىس جۇما كۇنى پاكىستاننىڭ سولتۇستىك-باتىسىنداعى تايپالىق اۋدانىنىڭ ورتالىعى شيىتتەر تۇراتىن پاراچينار قالاسىندا ورىن الدى. سونىڭ سالدارىنان كەمىندە 22 ادام قازا تاۋىپ، 70 ادام جارالاندى.

جەرگىلىكتى اقپارات كوزدەرى بۇل جارىلىستىڭ پاراچينار قالاسىنداعى شيىتتىك ءدىني راسىمدەر ورتالىعىنىڭ ماڭىنا قويىلعان بومبا سالدارىنان ورىن العانىن حابارلاۋدا.

پاراچينار پاكىستاننىڭ تايپالىق اۋداندارىندا شيىتتەر تۇراتىن شەكتەۋلى قالالاردىڭ ءبىرى سانالادى. قالا پاكىستانداعى تاليبان توبى، دجاحانگۋي ارمياسى، «ءال-احرار جاماعاتى» جانە باسقا دا ەكسترەميستىك توپتار تاراپىنان بىرنەشە رەت شابۋىلعا ۇشىرادى.

“The Qazaq Times”