كوروناۆيرۋس جايلى بىلۋگە ءتيىستى ەسكەرتپەلەر

قىتايدىڭ ۋحان پروۆينتسياسىندا پايدا بولعان كوروناۆيروۋس سوڭعى كۇندەرى تىپتەن اۋقىمىن كەڭەيتىپ الەم جۇرتشىلىعىنىڭ الاڭداۋشىلىعىن تۋدىرىپ وتىر. سوعان وراي info رسك الماتى تومەندەگىدەي انىقتامالار مەن ەسكەرتپەلەردى تارقاتتى.

كوروناۆيرۋس ينفەكتسياسى دەگەنىمىز نە؟

• كوروناۆيرۋس - بۇل 2019-nCoV دەپ اتالاتىن ۆيرۋستىق ينفەكتسيانىڭ جاڭا ءتۇرى;
• جوعارعى تىنىس الۋ جولدارىنىڭ جەڭىل نەمەسە ورتاشا اۋرۋىن تۋدىرادى، وكپە قابىنۋى اسقىنىپ، ولىمگە اكەلۋى مۇمكىن;
• 2019 جىلى قىتايدا، ۋحان پروۆينتسياسىندا انىقتالدى;
• ۆيرۋستىڭ باسقا ەلدەرگە ساپار نەمەسە ساياحات شەككەندە تارالادى;
• ۆيرۋس جىلدام تارايدى;
• 27 ەلدە كوروناۆيرۋس جۇقتىرعان 20 630 وقيعا تىركەلگەن، ونىڭ 427-ءى ولىممەن اياقتالعان. بۇلاردىڭ باسىم بولىگى قىتايدا ورىنالعان.
• قحر-دا 5974 وقيعا تىركەلگەن;
• حۋبەي پروۆينتسياسىنىڭ 15 قالاسىندا كارانتين جاريالانىپ، تۇرعىندارعا قالادان كەتۋگە تىيىم سالىنعان;
• اۆتوبۋس، پوەزداردىڭ قوزعالىسى، ۇشاق رەيستەرى توقتاتىلدى;

كوروناۆيرۋستىڭ بەلگىلەرى:

• دەنە قىزۋىنىڭ كوتەرىلۋى
• تۇماۋ
• باس اۋرۋى
• جوتەل
• تاماق اۋرۋى
• السىزدىك
• ءىش ءوتۋ

* يممۋندىق جۇيەسى ءالسىز ءارى تومەن ادامدار دا ءجيى كەزدەسەدى، سابيلەر  مەن قارتتار دا سىرقاتقا ۇشىراۋى مۇمكىن.

ينكۋباتسيالىق كەزەڭ - 2 كۇننەن 14 كۇنگە دەيىن.

دياگنوستيكا

بۇگىنگى تاڭدا قازاقستاندا 2 ساعاتتىڭ ىشىندە ناتيجە بەرەتىن جاڭا تەست-جۇيەلەرى قولدانىلۋدا. ول ءۇشىن:

• قاننىڭ ءاناليزى
• نەسەپ ءاناليزى
• زەرتحانالىق زەرتتەۋلەر
• پتر تاپسىرۋ قاجەت.

كوروناۆيرۋسقا ارنايى دياگنوستيكا تەك مەديتسينالىق كورسەتكىشتەر بويىنشا جۇرگىزىلەدى.

ينفەكتسيانىڭ بەرىلۋ جولدارى:

• كوبىنەسە اۋرۋ ادام جوتەلگەندە نەمەسە تۇشكىرگەندە اۋا تامشىلارى ارقىلى تارالادى
• تۇرمىستىق بايلانىس ارقىلى –بۇل جەكە بايلانىس، (جاناسۋ، قولالىسۋ، زالالدى وبەكتىدە بولۋ نەمەسە بەتتى تيگىزۋ)

ۆيرۋس  ءوزى اعزادان تىس ۇزاق ءومىر سۇرە المايدى جانە بىرنەشە كۇن ىشىندە جويىلىپ كەتەدى.

پروفيلاكتيكالىق شارالار:

- قول جانە تىنىس الۋ جولدارىنىڭ گيگيەناسىن ساقتاۋ، قولدى 20 سەكۋند بويى مۇقيات جۋ، مۇرىندى يزوتونيالىق ەرىتىندىمەن جۋ;

- يممۋنيتەتتى ارتتىرۋ: دۇرىس ۇيىقتاۋ، دۇرىس تاماقتانۋ، سپورتپەن اينالىسۋ;

- بولمەنى جەلدەتۋ;

- ءجيى قولدانىلاتىن زاتتاردى زالالسىزداندىرۋ قۇرالدارىمەن ءسۇرتۋ;

- كاتارالدىق قۇبىلىستارى بار تۇلعالارمەن قارىم-قاتىناس جاساماۋ;

- كوروناۆيرۋس جاعدايلارى تىركەلگەن، قاۋىپتى ايماقتارعا ساپارعا شىقپاۋ;

- ادام كوپ جينالعان جەرلەردەن الشاق بولۋ.

"The Qazaq Times"