OYLA عىلىمي-كوپشىلىك جۋرنالىنىڭ فرانشيزاسى اۆستراليا جانە جاڭا زەلانديادا شىعا باستادى

قازاقستاندىق عىلىمي-كوپشىلىك OYLA جۋرنالىنىڭ فرانشيزاسى اۆستراليا مەن جاڭا زەلانديا شىعارىلا باستادى. OYLA Youth Science دەپ اتالاتىن جۋرنال 2017 جىلدىڭ 1 ساۋىرىنەن باستاپ، اي سايىن شىعاتىن بولادى. جاڭا باسىلىمنىڭ تارالىمى - 20000 دانا، اۋديتورياسى - ستۋدەنتتەر، مەكتەپ وقۋشىلارى مەن ەرەسەكتەر. باسپاگەرلەر اتاپ وتكەندەي، جۋرنالدى عىلىمي پاندەر مۇعالىمدەرى مەن  جاڭا زەلانديانىڭ ءىرى مەكتەپتەرى كورىپ، جوعارى باعالادى. جۋرنالعا https://www.oyla-science.com سايتى ارقىلى جازىلۋعا بولادى.

“ەكى جىلدىڭ ىشىندە ءبىز OYLA-نىڭ جيىرما ءنومىرىن شىعارىپ ۇلگەردىك. وسى ۋاقىت ىشىندە رەداكتسيامىز جۋرنالدىڭ ساپاسىن ارتتىرۋعا ۇنەمى كوڭىل بولگەن بولاتىن، سوندىقتان حالىقارالىق نارىققا شىعۋىمىز وسى جۇمىستىڭ زاڭدى جالعاسى بولار. ءبىز قازاقستاننان ەكسپورتتالاتىن العاشقى ينتەللەكتۋالدى ءونىم ەكەنىمىزدى ماقتان تۇتامىز، - دەدى OYLA جۋرنالىنىڭ باس رەداكتورى گامزات بياروۆ.

OYLA عىلىمي-كوپشىلىك جۋرنالىنىڭ فرانشيزاسى اۆستراليا جانە جاڭا زەلانديادا شىعا باستادى

جۋرنال اعىلشىن تىلىنە جاي اۋدارىلا قويماي، باتىستىڭ ءبىلىم بەرۋ جۇيەسىنىڭ ەرەكشەلىكتەرىن ەسكەرە وتىرىپ بەيىمدەلدى. شەتەلدىك تاجىريبە بولاشاقتا OYLA جۋرنالىنىڭ قازاق نۇسقاسىنىڭ ساپاسىن ارتتىرۋدا پايدالانىلاتىن بولادى.

قازىرگى ۋاقىتتا، تاعى بىرقاتار ەلدەردىڭ باسپاشىلارىمەن OYLA جۋرنالىنىڭ فرانشيزاسىن ساتىپ الۋعا ارنالعان كەلىسسوزدەر جۇرگىزىلىپ جاتىر.

OYLA عىلىمي-كوپشىلىك جۋرنالىنىڭ فرانشيزاسى اۆستراليا جانە جاڭا زەلانديادا شىعا باستادى

OYLA - قازاقستانداعى العاشقى عىلىمي-كوپشىلىك  جۋرنال، ورتا جانە جوعارعى سىنىپ وقۋشىلارى مەن ءبىلىم الۋعا تالپىناتىن ەرەسەك ادامدارعا ارنالعان. OYLA جۋرنالى جاراتىلىستانۋ عىلىمدارى - ماتەماتيكا، فيزيكا، حيميا، بيولوگيا، استروفيزيكا باعىتىنداعى ماقالالاردان، گۋمانيتارلىق عىلىمدار - تاريح، ريتوريكا، ءتىل عىلىمدارى باعىتىنداعى جانە جالپى تانىمدىق ماقالالالاردان، قىزىقتى وقيعالار، تەورەمالار مەن ەسەپتەردى انىقتاۋ، ونەرتابىستار، عالىمداردىڭ اشىلۋلارى تۋرالى مالىمەتتەن تۇرادى. ءبىز بالالارعا كۇردەلى زاتتاردى جەڭىل تىلمەن تۇسىندىرەمىز دەلىنگەن رەداكتسيا بايااتىندا.