ىرىسبەك دابەي «جاس الاش» گازەتى باس رەداكتورىنىڭ ورىنباسارى بولدى

جاقىندا عانا باس رەداكتورى الماسقان «جاس الاش» گازەتىنىڭ رەداكتسياسىندا تاعى دا كادرلىق جاڭارۋلار بولىپ جاتىر. عاسىرلىق تاريحى بار ءارى رەسپۋبليكالىق تاۋەلسىز باسىلىم رەتىندە اتالاتىن گازەتتەگى بۇنداي وزگەرىستەر كوزقاراقتى وقىرمانىن ەلەڭ ەتكىزگەنى بەلگىلى. ال، بۇگىن جازۋشى، بەلگىلى جۋرناليست ىرىسبەك دابەي «جاس الاش» گازەتى رەداكتورىنىڭ ورىنباسارى بولدى.

ىرىسبەك دابەي بۇل تۋرالى مالىمەتتى ءوزىنىڭ الەۋمەتتىك جەلىدەگى پاراقشاسىندا راستاعان. ول «فەيسبۋك» پاراقشاسىندا ينگا يمانباي «كوتەرگەن جۇكتىڭ ءبىر جاعىن دەمەسۋگە شەشىم قابىلداعانىن» جازعان بولاتىن.

ىرىسبەك دابەي بۇعان دەيىن ادەبيەت وقىرماندارىنا «اكەلەرىمىز ايتاتىن اڭگىمە»، «ءمولتىل»، «جىلقى اتىلعان جاز» قاتارلى بىرقاتار سۇبەلى تۋىندىلارىن ۇسىنعان بولاتىن. 2011 جىلعى جاڭاوزەن وقيعاسىن ارقاۋ ەتكەن «قوڭىز» كىتابى بىلتىر جەلتوقسان ايىندا تۇساۋى كەسىلىپ وقىرمانعا جول تارتقان بولاتىن. تاۋەلسىز جىلدارىمىزدىڭ قارا داعى ىسپەتتى تاريحي وقيعانى ارقاۋ ەتكەن شىعارما زيالى قاۋىم ورتاسىندا ءوز القاۋىن دا العان.

قالامگەر، بەلگىلى جۋرناليست ارىپتەسىمىز ىرىسبەك دابەيدى جاڭا ورنىمەن قۇتتىقتاي وتىرىپ، قازاق اقپارات كەڭىستىگىندە ورىنى بولەك باسىلىمنىڭ ۇجىمىنا شىعارماشىلىق تابىستار تىلەيمىز!

“The Qazaq Times”