نيۋ-يوركتەگى القا بيلەر سوتى وزبەكستان ازاماتى ديلحايوت قاسىموۆتى "يسلام مەملەكەتى" تەرروريستىك ۇيىمىنا قارجىلاي قولداۋ كورسەتتى دەپ تانىپ، ونى 30 جىلعا باس بوستاندىعىنان ايىردى.
2015 جىلى 6 ساۋىردە برۋكليندەگى فەدەرالدىق سوت قاسىموۆقا ايىپ تاققان. تەرگەۋ نۇسقاسى بويىنشا، ديلحايوت 2015 جىلى تاعى ءبىر وزبەكستاندىق ابرور حابيبوۆپەن بىرگە 1600 دوللار جيناپ، قازاقستاندىق احرور سايداحمەتوۆكە بەرمەك بولعان. ءسوتىپ تاعى ءبىر تانىسى ابدۋراسۋل جۋراباەۆپەن بىرگە "يسلام مەملەكەتىنە" قوسىلۋ ءۇشىن تاياۋ شىعىسقا بارۋدى كوزدەگەن.
سايداحمەدوۆ 2015 جىلى 25 اقپاندا نيۋ-يورك اۋەجايىندا تۇركياعا ۇشقالى جاتقان كەزدە ۇستالدى. سوت قۇجاتتارى بويىنشا، قاسىموۆ سايداحمەدوۆكە اقشا بەرگەنىن، ونىڭ سيرياعا بارۋ جوسپارىن بىلەتىنىن مويىنداعان.
2017 جىلى جەلتوقساندا سوت برۋكليندە تۇراتىن 22 جاستاعى احرور سايداحمەدوۆتى "يسلام مەملەكەتى" ەكسترەميستىك توبىنا قارجىلاي كومەك بەرۋگە تالپىنعانى ءۇشىن 15 جىلعا سوتتاعان.
نيۋ-يورك پروكۋراتۋراسىنىڭ مالىمەتى بويىنشا، قاماۋ مەرزىمى اياقتالعان سوڭ سايداحمەدوۆ اقش-تان شىعارىلادى. 2017 جىلى قازاندا سايداحمەدوۆپەن بىرگە تاعى ءبىر وزبەكستاندىق ابدۋراسۋل جۋراباەۆ 15 جىلعا باس بوستاندىعىنان ايرىلدى.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
ORDA حابارى، اقوردا رەاكتسياسى جانە سادىقوۆ ءىسى: نە بولىپ جاتىر، نەنى بايقادىق؟
سوزبۇيداعا سالىنعان جەتى تومدىق: قازاقتىڭ اكادەميالىق تاريحى قاشان جارىق كورەدى؟