Нью-Йорктегі алқа билер соты Өзбекстан азаматы Дильхаёт Қасымовты "Ислам мемлекеті" террористік ұйымына қаржылай қолдау көрсетті деп танып, оны 30 жылға бас бостандығынан айырды.

2015 жылы 6 сәуірде Бруклиндегі федералдық сот Қасымовқа айып таққан. Тергеу нұсқасы бойынша, Дильхаёт 2015 жылы тағы бір өзбекстандық Аброр Хабибовпен бірге 1600 доллар жинап, қазақстандық Ахрор Саидахметовке бермек болған. Сөтіп тағы бір танысы Абдурасул Журабаевпен бірге "Ислам мемлекетіне" қосылу үшін Таяу Шығысқа баруды көздеген.

Саидахмедов 2015 жылы 25 ақпанда Нью-Йорк әуежайында Түркияға ұшқалы жатқан кезде ұсталды. Сот құжаттары бойынша, Қасымов Саидахмедовке ақша бергенін, оның Сирияға бару жоспарын білетінін мойындаған.

2017 жылы желтоқсанда сот Бруклинде тұратын 22 жастағы Ахрор Саидахмедовті "Ислам мемлекеті" экстремистік тобына қаржылай көмек беруге талпынғаны үшін 15 жылға соттаған.

Нью-Йорк прокуратурасының мәліметі бойынша, қамау мерзімі аяқталған соң Саидахмедов АҚШ-тан шығарылады. 2017 жылы қазанда Саидахмедовпен бірге тағы бір өзбекстандық Абдурасул Журабаев 15 жылға бас бостандығынан айрылды.

"The Qazaq Times"