سارارقا اۋدانىندا ءتىل زاڭىن بۇزعان جارنامالار الىندى

            «ءتىل تازالىعى – بارشاعا ورتاق ءىس» جوباسى ەلوردانىڭ بارلىق ءتورت اۋدانىندا جۇرگىزىلىپ جاتقانىن حابارلاعان ەدىك. جوبا اياسىناعى كەزەكتى شارالار سارىارقا اۋدانىندا، اتاپ ايتقاندا شايمەردەن قوسشىعۇلۇلى كوشەسى بويىندا جالعاسىن تاپتى.

         جوبا جۇمىسىنا قالالىق تىلدەردى دامىتۋ جانە ارحيۆ ءىسى باسقارماسى ماماندارى، سارىارقا اۋداندىق اكىمدىكتىڭ قىزمەتكەرى جانە قوعامدىق بەلسەندى ساراپشىلاردان قۇرىلعان توپ قاتىستى. ولار كوپتەگەن نىساندارداعى جارناما، كورنەكى اقپاراتتاردان ءتىل تالاپتارىنا ساي ەمەس زاڭ بۇزۋشىلىقتار انىقتادى.

– كەيبىر نىسان يەلەرى ءبىزدىڭ قىزمەتىمىزگە كەدەرگى كەلتىرگىسى كەلەدى دەيدى، – قالالىق تىلدەردى دامىتۋ جانە ارحيۆ ءىسى باسقارماسىنىڭ باس مامانى ايگۇل عيزاتقىزى، - ولار بىزدەن قانداي نەگىزدە تەكسەرۋ جۇرگىزىپ جاتقانىمىزدى سۇراپ، ءوز ىستەرىنىڭ دۇرىستىعىن دالەلدەگىسى كەلەدى. نەگىزى، ءتىل تۋرالى زاڭ سەكىلدى بارشاعا ورتاق، حالىقتىق سيپاتى بار زاڭداردى جۇرتشىلىق، اسىرەسە كاسىپكەرلەر ءبىلۋى كەرەك. ولار جارناما، كورنەكى اقپارات ىلمەس بۇرىن ونىڭ قاي تىلدە جازىلۋى كەرەكتىگى تۋرالى ءتيىستى مەكەمەلەردەن انىقتاپ، ءبىلۋى ءتيىس. وكىنىشكە وراي، كوپتەگەن كاسىپ يەلەرى ءوز بەتىنشە جارناما ءماتىنىن جازىپ، مەملەكەتتىك ءتىل زاڭىنا قايشى كەلگەن، – دەيدى ايگۇل يمانعالي.

سارارقا اۋدانىنداعى ءتىل زاڭىن بۇزعان جانرامالار الىندى.

جوبا اياسىنداعى شاراعا قوعام بەلسەندىلەرى دە قاتىسىپ، ءوز ۇلەستەرىن قوسۋدا.

– قالا بويىنشا ايتاتىن بولساق، جارناما، كورنەكى اقپاراتتاردى ورنالاستىرۋ زاڭنىڭ شەڭبەرىنەن شىعىپ كەتكەن دەيدى، – ساراپشى توپتىڭ مۇشەسى، ءتىل جاناشىرى ازامات كەڭەسۇلى. – بۇل بارىستا قالالىق تىلدەردى دامىتۋ باسقارماسىنىڭ مۇمكىندىكتەرى شەكتەۋلى. وعان ءار اۋداننىڭ ساۋلەت، قالا قۇرىلىسى جانە جەر قاتىناستارى بولىمدەرى باستاعان اكىمشىلىك مەكەمەلەر قولداۋ كورسەتۋ كەرەك. ايتپەگەندە، ءبىر عانا باسقارمانىڭ كۇشى جەتپەيدى، بىراق سوعان قاراماي ولار بارىنشا تىعىز كەستەمەن جۇمىس ىستەپ جاتىر. كەيبىر اۋداننىڭ بولىمدەرى جاقسى سەلبەسۋدە. وكىنىشكە وراي، كەيبىر اۋداندار قالا اكىمدىگى قولداپ وتىرعان بۇل جوباعا ەنجارلىق تانىتۋدا. بۇل جوبا – اتى ايتىپ تۇرعانداي بارشاعا ورتاق ءىس بولعاندىقتان، كۇش بىرىكتىرە جۇمىس ىستەۋمىز كەرەك، – دەيدى ول.

نىسانداردى ارالاعان توپ كوپتەگەن زاڭسىز جارنامالاردى سول مەزەتتە الدىرىپ تاستادى. كەيبىر نىسان يەلەرى ۋاقىت سۇرادى. قالا اۋقىمى وتە ۇلكەن ەكەنىن جانە سوعان وراي زاڭ بۇزۋشىلىقتاردىڭ دا كوپ ەكەنىن ەسكەرسەك، اتالعان جوباعا كوپ كۇش جۇمساۋدى قاجەت ەتەدى. قازىر بۇل شارا قوعام تاراپىنان دا قولداۋ تابۋدا. قاراپايىم ازاماتتار دا زاڭ بۇزۋشىلىقتاردى انىقتاۋعا كومەكتەسىپ، وزدەرىنىڭ وڭ كوزقاراستارىن بىلدىرۋدە. جۇمىس توپتارىنىڭ قىزمەتى ارى قاراي جالعاسىن تابا بەرەتىن بولادى.

“The Qazaq Times”