اق ءۇي باسشىسى دونالد ترامپ كۋباعا ەنگىزىلگەن ەمبارگو مەرزىمىن ءبىر جىلعا ۇزارتتى. 1962 جىلى ەنگىزىلگەن شەكتەۋ بيىل 14 قىركۇيەكتە رەسمي كۇشىن جويۋى ءتيىس بولاتىن. رەسمي ۋاشينگتون بۇل ۇلتتىق مۇددەنى قورعاۋ ماقساتىندا جاسالىپ وتىر دەپ مالىمدەدى.

ۆۆس-ءدىڭ مەكسيكا مەن ورتالىق امەريكاداعى ءتىلشىسى Will Grant اقش-كۋبا قارىم-قاتىناستارى قازىر ەڭ تومەنگى دەڭگەيگە تۇسكەنىن ايتادى. باراك وبامانىڭ كەزىندە قايتا قالپىنا كەلە باستاعان ديپلوماتيالىق قارىم-قاتىناستاردىڭ وزگەرەتىنىن ماۋسىمدا دونالد ترامپ بۇرىنعى پرەزيدەنتتىڭ جوباسىنان باس تارتۋ تۋرالى مالىمدەمەسى ارقىلى بىلدىرگەن ەدى.

2017 جىلى اقش كۋبا ازاماتتارى مەن زاڭدى تۇلعالارىنا قارسى جاڭا شەكتەۋلەر ەنگىزگەن بولاتىن. قارا ءتىزىم كۋبا كومپانيالارى مەن ديپلوماتتارىنا قاتىستى بولعان. سول جىلى اقش ەنگىزگەن سانكتسياعا جالپى سانى 180 كۋبالىق كومپانيا ىلىككەن. ولاردىڭ قاتارىندا كۋبانىڭ ىشكى ىستەر جانە قورعانىس مينيسترلىكتەرى، 83 قوناق ءۇي، 2 تۋراگەنتتىك، 5 حولدينگتىك كومپانيا، 2 روم زاۋىتى جانە گاۆانادا ورنالاسقان 10 ساۋدا دۇكەنى بار.

"The Qazaq Times"