قاسىم-جومارت توقاەۆ پەن شي جيڭپيڭ كەزدەسۋىنەن كەيىن قانداي قۇجاتتارعا قول قويىلدى؟

قازاقستان پرەزيدەنتى قاسىم-جومارت توقاەۆ بەيجىڭگە جاساعان ساپارى بارىسىندا قىتاي باسشىسى شي جيڭپيڭمەن كەزدەستى. باسقوسۋدان كەيىن تاراپتار بىرقاتار كەلىسىم قۇجاتتارىنا قول قويدى.

1. قر ۇكىمەتى مەن قحر ۇكىمەتى اراسىنداعى اۋە كەمەلەرىن ىزدەستىرۋ جانە ازاماتتىق ۇشاقتاردى بىرلەسىپ قۇتقارۋ كەلىسىمى.

2. "نۇرلى جول" جانە "جىبەك جولى ەكونوميكالىق جوباسى" قۇرىلىسى اراسىنداعى ارىپتەستىككە ءوزارا تۇسىنىستىكپەن قاراۋ ۇكىمەت ارالىق مەموراندۋمى.

3. قىتاي تاراپىنىڭ قازاقستانعا سۋپەركومپيۋتەرلەر بەرۋ ۇكىمەت ارالىق كەلىسىمى.

4. قر ساۋدا جانە ينتەگراتسيا مينيسترلىگى مەن قحر كوممەرتسيا مينيسترلىگى اراسىنداعى ءوزارا تۇسىنىستىك  مەموراندۋمى.

5. قر اۋىل شارۋاشىلىعى مينيسترلىگى مەن قحر باستى كەدەن باسقارماسى اراسىنداعى قازاقستاننان قىتايعا ەكسپورتتالاتىن ءسۇت ونىمدەرىنە قويىلاتىن ۆەتەرينار-سانيتارلىق، كارانتيندىك، ينسپەكتسيالىق تالاپتار جونىندەگى پروتوكول.

6. قر اۋىل شارۋاشىلىعى مينيسترلىگى مەن قحر باستى كەدەن باسقارماسى اراسىنداعى قازاقستاننان قىتايعا تاسىمالداناتىن تەرى ونىمدەرىنە قويىلاتىن تالاپتارعا بايلانىستى پروتوكول.

7. قر قارجى مينيسترلىگى مەن قحر باستى كەدەن باسقارماسى اراسىنداعى شەكارالىق قاۋىپسىزدىكتى كۇشەيتۋ جانە ينتەللەكتۋالدىق مەنشىكتى قورعاۋ مەموراندۋمى.

8. قر قحر شەكارالارىنان وتەتىن تاۋارلار مەن تەحنيكالار جونىندە اقپارات الماسۋ كەلىسىمى.

ەستەرىڭىزگە سالايىق، قازاقستان پرەزيدەنتىنىڭ قىتايعا ساپارى قىركۇيەكتىڭ 11-12-ءى كۇندەرى بولعان. وسى ۋاقىتقا دەيىن بىرنەشە قالادا "قىتاي ەكسپانتسياسىنا" قارسىلىق اكتسيالارى ءوتىپ، حالىق قازاقستانعا قىتاي زاۋىتتارىن كىرگىزبەۋدى، توقاەۆتى بەيجىڭگە بارماۋدى تالاپ ەتكەن.

"The Qazaq Times"