ماسكەۋدەگى ەرەۋىلگە بالالارىمەن شىققان اتا-انالار سوتقا تارتىلۋدا

ماسكەۋدەگى اۋقىمدى ەرەۋىلدە جاس نارەستەلەرىن كوشەگە الىپ شىققان اتا-انالار سۇراققا تارتىلۋدا. ولارعا بالالارىنىڭ ءومىرىن تاۋەكەلگە تىگىپ، وپپوزيتسيانىڭ نارازىلىق ەرەۋىلىنە الىپ شىققان دەگەن ايىپتار تاعىلعان. 

جاقىندا ماسكەۋدە بولعان اۋقىمدى نارازىلىق جۇرىستەرى سوڭعى جىلدارداعى وپپوزيتسيالىق ءىرى نارازىلىق شاراسى قاتارلى تىركەلدى. قازىر پوليتسيا تارابى نارازىلىق جۇرىستەرى كەزىندە بالالارىن كوشەگە الىپ شىققان اتا-انالاردى ىزدەستىرۋدە. ءتىپتى، بالالارىمەن كوشەدە بولعان كەيبىر اتا-انالارعا ماقساتتى تۇردە وپپوزيتسيا جەتەكشىلەرىنىڭ قۇتىلىپ كەتۋىنە كومەكتەسىپ، بالالارىن كوتەرتىپ قويعانىن ايتادى.

قازىر بۇل اتا-انالاردىڭ ءىسى سوتتا قارالۋدا. ەگەر سوت ۇكىمى پوليتسيانىڭ ايىپتاۋىن دۇرىس دەپ تاپسا، بالالارىمەن ەرەۋىل اراسىندا بولعاندار اتا-انالىق قۇقىعىنان ايىرىلىپ، بالالارى مەملەكەتتىك قامقورلىعىنا الىنباق. ال، بۇنداي ايىپ تاعىلعان اتا-انالار مەن وزگە دە تۇرعىندار بۇعان كەلىسپەيدى. ولار پوليتسيانىڭ بۇل ارەكەتى حالىقتى نارازىلىق شاراسىنا شىعارماۋدىڭ جاڭا امالى دەپ باعالايدى.

“The Qazaq Times”