سولتۇستىك قازاقستان سۋ تاسقىنىنا دايىندالۋدا

مامانداردىڭ ايتۋىنشا سولتۇستىك قازاقستان وبلىسىنا  ناۋرىز ايىنىڭ سوڭى، ءساۋىر ايىنىڭ باسىندا كوپ مولشەردە سۋ تاسقىنى كەلۋى مۇمكىن. 

سوندىقتان 9 ناۋرىزدا  پەتروپاۆل قالاسىندا «كوكتەم-2017» رەسپۋبليكالىق كوماندالىق-شتابتىق وقۋلارى اياسىندا  كوكتەمگى سۋ تاسقىنى كەزەڭىندە شارتتى  توتەنشە جاعدايدى الدىن الۋ بويىنشا ارنايى وقۋ-جاتتىعۋلارى ءوتتى. بۇل تۋرالى وبلستىڭ ءباسپاسوز قىزمەتى حابارلايدى.

وقۋ-جاتتىعۋلار ءۇشىن پەتروپاۆلدا پودگورا اۋدانىنداعى بوگەتتى تاڭدادى. بۇل جەر كەزدەيسوق تاڭدالعان جوق، ونىڭ ماڭىندا ەسىل وزەنى اعادى. جىل سايىن سۋ تاسىعان كەزدە جەرگىلىكتى تۇرعىندار ءبىراز قيىندىقتارعا ۇشىرايدى.

توتەنشە جاعدايلار قىزمەتكەرلەرىنىڭ جاتتىعۋ جوسپارى بويىنشا سۋ بوگەتتى بۇزىپ ءوتىپ، ۇيلەردى الىپ كەتتى. تۇرعىندار جەدەل تۇردە كوشىرىلدى. پودگورا اۋدانىندا شامامەن مىڭ جارىمداي ادام تۇرادى.

كەدەرگىلى قورشاۋلار نىعايتىلۋدە. بۇل ماقساتتار ءۇشىن ەكى كاماز ينەرتتى ماتەريالدار اكەلىندى. بارلىعى ميلليون توننادام استام سۋ بوگەۋ زاتتارى ازىرلەنگەن.

مۇندا ۇلتتىق ۇلاننىڭ ساربازدارى توسپانى نىعايتۋدا. سونىمەن قاتار ءورت سوندىرۋشىلەر ساناۋلى مينۋتتار ىشىندە ءورتتى ءوشىردى. ال، سۋدا جەدەل قۇتقارۋ جاساعىنىڭ قىزمەتكەرلەرى سۋعا باتىپ كەتە جازداعان ەر ادامعا كومەك كورسەتۋدە.

كوتەمگى سۋ تاسقىنىنا قارسى دايىندىق پەن وزگە توتەنشە جاعدايلاردىڭ بولعانىن سقو اكىمىنىڭ ورىنباسارى، وبلىستىق كوكتەمگى سۋ تاسقىنىنا قارسى شتابتىڭ جەتەكشىسى  انتون فەدياەۆ بايقادى.

مۇمكىن بولاتىن كوتەمگى سۋ تاسقىنا قارسى 3 مىڭداي قۇتقارۋشى مەن 600-دەن استام تەحنيكا جۇمىلدىرىلدى.