وزبەكستان ەكس-حانشايىمى گۇلنارا كارىموۆا اۋرۋحاناعا ءتۇستى.

ادۆوكات گرەگۋار مانجا «Twitter» پاراقشاسىنا گۇلنارا كارىموۆانىڭ اۋرۋحاناعا تۇسكەندىگى جونىندە جازدى. مانجانىڭ سوزىنشە، ول ءوز قورعاۋىنداعى كارىموۆامەن كەزدەسۋدى كۇتىپ التى ساعات وتىرعان. بىراق تۇرمە اكىمشىلىگى كەزدەسۋگە سول كۇيى رۇقسات بەرمەگەن. كەيىننەن ول تۇرمە اۋماعىنان بىرنەشە جەدەل جاردەم كولىگىنىڭ شىعىپ بارا جاتقانىن كورگەن. مانجا دەرەك كوزدەرىنە سۇيەنىپ، جەدەل جاردەم كولىكتەرىنىڭ بىرىندە گۇلنارا كارىموۆانىڭ بولعاندىعىن ايتۋدا.

بۇعان دەيىن باق بەتتەرىندە بىرنەشە مارتە «گۇلنارا كارىموۆانىڭ دەنساۋلىعى ناشار» ەكەندىگى جونىندە اقپاراتتار تارعان.

2015 جىلى تاشكەنت سوتى كارىموۆانى مەملەكەت قارجىسىن تالان-تاراجعا سالدى جانە سالىق تولەۋدەن جالتاردى دەگەن ايىپپەن بەس جىلعا سوتتاعان. كەيىننەن كارىموۆانىڭ ۇستىنەن جەمقورلىق، اسا ءىرى كولەمدە پارا الۋ، ۇيىمداسقان قىلمىستىق توپ قۇرۋ باپتارى بويىنشا قىلمىستىق ءىس قوزعالىپ، 2017 جىلى 10 جىلعا باس بوستاندىعىنان ايىرىلعان.

اكەسى يسلام كارىموۆتىڭ كوزى ءتىرى كەزىندە گۇلنارا كارىموۆا وزبەكستانداعى بەدەلدى ساياساتكەرلەردىڭ ءبىرى بولعان. ونىڭ ساياسي بولاشاعىنا كوپشىلىك «اكەسىنىڭ ورنىن باساتىن مۇراگەر» دەگەن باعا بەرگەن.

"The Qazaq Times"