اقش پرەزيدەنتى دونالد ترامپ تۇركيانىڭ رەسەيدەن س-400 اۋە قورعانىسى جۇيەسىن ساتىپ الۋىنا بايلانىستى پىكىر ءبىلدىردى.

«ولار وتە قيىن جاعدايدا. اقش-تا وتە قيىن جاعدايدا. ءبىز قازىر وسى ماسەلە بويىنشا جۇمىس ىستەۋدەمىز. تۇركيا مەن رەسەي اراسىنداعى كەلىسىم ادىلەتسىز. انكارا ءجۇز F-35 ۇشاعىنا تاپسىرىس بەرگەن. بىراق ولار بۇدان ءارى بۇلاي ىستەي المايدى» - دەپ مالىمدەدى ترامپ.

اقش پرەزيدەنتىنىڭ سوزىنشە، تۇركيا بۇعان دەيىن امەريكالىق «Patriot» اۋە قورعانىس جۇيەلەرىن ساتىپ الۋعا نيەتتى بولعان. بىراق باراك وباما اكىمشىلىگى انكارانىڭ بۇل باستاماسىن قاراۋسىز قالدىرعان.

رەسەي شىلدە ايىنىڭ 12-ءى كۇنى تۇركياعا س-400 جۇيەسىنىڭ العاشقى لەگىن جەتكىزگەن. وسى ۋاقىتقا دەيىن ميۋرتەد اۋەجايىنا س-400 بولەكتەرى تيەلگەن 13 ۇشاق كەلىپ قونعان.

اقش پەن تۇركيا قارىم-قاتىناسى انكارا مەن ماسكەۋ اراسىنداعى كەلىسىمنەن كەيىن ۋشىققان. ۋاشينگتون تۇركيانىڭ رەسەيدەن س-400 جۇيەسىن ساتىپ الۋىنا قارسىلىق ءبىلدىرىپ، اتالمىش جۇيەنىڭ ناتو ستاندارتتارىنا سايكەس كەلمەيتىندىگىن العا تارتقان. بىراق انكارا اقش-تىڭ بۇل ۋاجدەرىنە قۇلاق اسپاي، س-400 جۇيەسىن تەك قورعانىس قۇرالى رەتىندە پايدالاناتىن مالىمدەگەن.

"The Qazaq Times"