ارىستاعى جارىلىستان ەكى ادام كوز جۇمدى.

پرەمەر-مينيستر اسقار ءمامين ارىستا بولعان جارىلىستان ەكى ادامنىڭ كوز جۇمعانىن مالىمدەدى.

«مەملەكەت باسشىسى ارىستاعى وقيعا ورنىنا باردى. قاسىم-جومارت توقاەۆ تاپسىرمالار بەردى. ءتيىستى شارالار ۇيىمداستىرىلىپ، ارىس حالقى قاۋىپسىز ايماقتارعا كوشىرىلدى. وكىنىشكە وراي ءبىر تۇرعىن مەن ءبىر اسكەري قىزمەتكەر كوز جۇمدى. تۋعان-تۋىستارىنا قايعىرا كوڭىل ايتامىن. زارداپ شەككەندەرگە مەديتسينالىق كومەك كورسەتىلۋدە» - دەدى ءمامين.

ماۋسىم ايىنىڭ 24-ءى كۇنى ارىس قالاسىنداعى اسكەري قومالاردىڭ بىرىندە جارىلىس بولعان. باستاپقىدا قورعانىس مينيسترلىگى جارىلىس سالدارىنان ەشقانداي ادامنىڭ زارداپ شەكپەگەندىگىن ايتىپ، مالىمدەمە تاراتقان. كەيىنەن الەۋمەتتىك جەلىلەردە جاراقات العان ادامداردىڭ بەينەروليكتەرى تاراعان.

"The Qazaq Times"