تۇركىمەنستان ەكس-پرەزيدەنتى ساپارمۇرات نيازوۆقا قاستاندىق جاساماق بولعان سەيران مامەدوۆ بوستاندىققا شىقتى.
«حرونيكي تۋركمەنستانا» اقپارات كوزىنىڭ مالىمەتىنشە، سەيران مامەدوۆ مامىر ايىنىڭ 3-ءى كۇنى بوستاندىققا شىققان. ونى 2004 جىلى تۇركىمەنستاننىڭ سول كەزدەگى پرەزيدەنتى ساپارمۇرات نيازوۆقا قاستاندىق جاساماق بولدى دەگەن ايىپپەن 15 جىلعا باس بوستاندىعىنان ايىرعان.
سەيران مامەدوۆ جازاسىن بەيرامالي قالاسىنداعى قاتاڭ رەجيمدەگى تۇزەتۋ مەكەمەسىندە وتەگەن.
تاۋەلسىز تۇركىمەنستاننىڭ تۇڭعىش پرەزيدەنتى ساپارمۇرات نيازوۆ ەلدى 1991 جىلدان 2006 جىلعا دەيىن باسقاردى. 1999 جىلى وعان ومىرلىك پرەزيدەنت بولۋ مارتەبەسى بەرىلدى. نيازوۆ مەملەكەت باسشىسى بولىپ تۇرعان ۋاقىتتا ەلدە تولىقتاي ديكتاتورلىق رەجيم قالىپتاسىپ، جەكە باسقى تابىنۋ بۇرىن سوڭدى بولماعان دەڭگەيگە جەتتى. نيازوۆ كوشەلەر مەن قالالارعا تۇركىمەنباسى اتىن بەردى. بىراق قازاقستانمەن سالىستىرعاندا ول ەل استاناسى اشحابادتىڭ اتاۋىن وزگەرتپەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى