فوتو: https://bnews.kz

ۇلتتىق قاۋىپسىزدىك كوميتەتىنىڭ باسشىسى كارىم ءماسىموۆ قازاقستاننىڭ تۇڭعىش پرەزيدەنتى نۇرسۇلتان نازارباەۆ تۋرالى كىتاپ جازباق.

ءماسىموۆ: «نۇرسۇلتان ءابىشۇلى – ۇلى ادام. ول تۋرالى كىتاپ جازامىن، ونى «ەلباسى كومەكشىنىڭ كوزىمەن» دەپ اتايمىن. كىتاپ قىزىقتى بولادى. پاراقتارى «جابىق» قىزىق كىتاپ بولادى»، – دەدى.

2011 جىلى ءماسىموۆ: «2007 جىلى قاڭتاردا، نۇرسۇلتان ءابىشۇلى، مەنى العاش رەت پرەمەر-مينيستر ەتىپ تاعايىندادىڭىز. سول كەزدە قانداي قىزمەتتە بولسام دا، ءسىزدىڭ ادال كومەكشىڭىز بولامىن دەپ ۋادە بەرگەن ەدىم. نۇرسۇلتان ءابىشۇلى، بۇگىن قايتا ايتقىم كەلىپ تۇر: مەن ءالى دە ءسىزدىڭ كومەكشىڭىزبىن، ءالى دە شاكىرتىڭىزبىن. قازاقستاندى دامىتۋ بويىنشا ۇلكەن ىستەردى جۇزەگە اسىرۋعا مەنىڭ دە قاتىسۋىما مۇمكىندىك بەرگەنىڭىزبەن ماقتانامىن»، – دەگەن بولاتىن.

2016 جىلى 8 قىركۇيەكتە ۇقك باسشىسى بولىپ تاعايىندالعان ءماسىموۆ پرەمەر-ءمينيستردىڭ قىزمەتىندە بولعانىنا قاراماستان ءوزىن پرەزيدەنتتىڭ كومەكشىسىمىن دەپ بىرنەشە رەت اعىنان جارىلعان.

"The Qazaq Times"