Current president of Kyrgyzstan Sooronbai Jeenbekov and ex-president Almazbek Atambayev

قىرعىزستاننىڭ بۇرىنعى پرەزيدەنتى المازبەك اتامباەۆ جەەنبەكوۆتى بيلىككە ءاكەلگەنى ءۇءشىن كەشىرىم سۇرادى. بۇل تۋرالى ەكس-پرەزيدەنت بىشكەكتە ءوتكەن اقسى وقيعاسىندا قۇربان بولعانداردى ەسكە الۋ شاراسىندا ايتتى.

ء“ومىر بويى وتباسىلىق اۆتوريتارلىق رەجيممەن كۇرەسىپ ءجۇرىپ، ءىشىن كورمەي، سىرتىن عانا كورىپ، وسىنداي ادامدى بيلىككە الىپ كەلگەنىم ءۇشىن كەشىرىم سۇرايمىن” دەدى ول.

اتامباەۆ قازىرگى بيلىكتى "وتباسىمەن باسقارۋ جولىنا ءتۇستى" دەپ ايىپتاپ، ودان باس تارتۋعا شاقىرعان. ەكس-پرەزيدەنت بيلىك بۇرىنعى پرەزيدەنت قۇرمانبەك باكيەۆتىڭ ءىزىن قايتالاپ، ءوزىن سىناعان ازاماتتاردى قۋدالاپ جاتىر دەپ ايتقان.

الايدا، ءدال وسى كۇنى اقسى اۋدانىنداعى ەسكە الۋ شاراسىندا ءسوز سويلەگەن قىرعىزستاننىڭ قازىرگى پرەزيدەنتى سوورونباي جەەنبەكوۆ "بيلىكتەگى تامىر-تانىستىقپەن كۇرەسكەن ازامات رەتىندە" ەشقاشان "وتباسىمەن باسقارۋ جۇيەسىنە" جول بەرمەيتىنىن ايتىپ، وزىنە دەيىنگىلەردى سىناعان.

ء"بىر كەزدەرى مەملەكەتتى قىلمىستىق توپ باسقارعان كەزدەر بولدى. وعان قوعامنىڭ ءوزى دە كوز جەتكىزىپ كەلەدى. ءبىز حالىقتىڭ ارمان-مۇراتىن جاقسى بىلەمىز. حالىق بەكەردەن-بەكەر "تۋرا بيدە تۋعان جوق، تۋراسىز بيدە يمان جوق" دەپ ايتپاعان. مەنەن باستاپ بيلىكتىڭ ءۇش تارماعى مۇنى ۇمىتپاۋى كەرەك. وتباسىلىق كلانمەن كۇرەسكەندەردىڭ الدىڭعى قاتارىندا بولعان ازامات رەتىندە ايتارىم، ەشقاشان وتباسىمەن باسقارۋعا جول بەرمەيمىن" دەدى ول.

سونداي-اق، جەلتوقساتننىڭ ونىندا وتكىزگەن ءباسپاسوز ءماسليحاتىندا سوورونباي جەەنبەكوۆ قازىرگى ازاماتتىق قوعامدا وتباسىلىق-كلاندىق باسقارۋ جۇيەسىنە جول بەرمەيتىنىن ايتقان ەدى.

ايتا كەتەيىك، سوورونباي جەەنبەكوۆ 2017 جىلى پرەزيدەنت سايلاۋىندا سايلاۋشىلاردىڭ 54 پايىزىن جيناپ، جەڭىسكە جەتكەن. ونى پرەزيدەنتتىككە قىرعىزستاننىڭ سوتسيال-دەموكراتيالىق پارتياسى ۇسىنعان. سول كەزدە پرەزيدەنت بولىپ تۇرعان المازبەك اتامباەۆ ونى ەرەكشە قولداعان.

"The Qazaq Times"