اقش قازاقستان بيلىگىن قاتاڭ سىنعا الدى

13 ناۋرىزدا اقش مەملەكەتتىك دەپارتامەنتى جىل سايىنعى الەم ەلدەرىندەگى ادام قۇقىقتارىنىڭ جاعدايىن زەرتتەگەن ەسەبىن جاريالايدى.

مەملەكەتتىك دەپارتامەنتتىڭ ەسەبىندە "قازاقستاندا ساياسي قۋدالاۋ، تسەنزۋرا، سايتتاردى بۇعاتتاۋ، ءدىني قۋدالاۋ، بەيبىت ميتينگ ۇيىمداستىرۋعا تىيىم، كاسىپوداقتار جۇمىسىن شەكتەۋ، جەمقورلىق سىندى ادام قۇقىقتارىن شەكتەيتىن ماسەلەلەر بار" دەپ جازىلعان.

دەپارتامەنتتىڭ پايىمداۋىنشا، "قازاقستاندا پرەزيدەنت اكىمشىلىگى ۇكىمەتتى، زاڭ شىعارۋ جانە سوت ورگاندارىن، ايماقتىق جانە جەرگىلىكتى بيلىكتى باقىلاۋىندا ۇستاپ وتىر. ەل كونستيتۋتسياسىن وزگەرتۋ ءۇشىن پرەزيدەنتتىڭ كەلىسىمى كەرەك".

مەملەكەتتىك دەپارتامەنت قازاقستاندى ەلدەگى سايلاۋلاردا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ ەرەجەلەرىن ساقتامايدى دەپ سىنادى.

"2015 جىلى پرەزيدەنت سايلاۋىندا نازارباەۆ 98 پايىز داۋىسپەن جەڭىسكە جەتتى. بىراق سايلاۋ زاڭدارى بۇزىلىپ، شىنايى باسەكە بولمادى. 2017 جىلى ماۋسىمدا سەناتتاعى 16 ورىنعا سايلاۋ ءوتتى. بۇل سايلاۋدى جەرگىلىكتى اكىمدىك وكىلدەرى قاتاڭ باقىلاپ، پرەزيدەنت اكىمشىلىگىنىڭ نۇسقاۋلىعىمەن ۇيىمداستىردى" دەپ جازىلعان قۇجاتتا.

مەملەكەت دەپارتامەنت ەسەبىندە قازاقستان قىزمەتىن اسىرا پايدالانعان، پارا العان شەنەۋنىكتەردى تاڭداپ جازالايتىن اتاپ كورسەتكەن.

"قازاقستاندا جەمقورلىق ماسەلەسى ءالى وزەكتى. بيلىكتە، ۇكىمەتتە، قۇقىق قورعاۋ ورگاندارىندا باسشىلىق قىزمەتتە وتىرعاندار جەمقورلىق ىسىنە كەلگەندە جازاسىز كەتەدى" دەپ جازىلعان ەسەپتە.

مەملەكەتتىك دەپارتامەنتتىڭ ەسەبى 46-شى رەت جاريالاندى. اقش مەملەكەتتىك دەپارتامەنتى بۇعان دەيىنگى ەسەپتەرىندە دە قازاقستانداعى ادام قۇقىعى جايىن سىناعان. قازاقستان بيلىگى ول كەزدە مەملەكەتتىك دەپارتامەنت ەسەبىنە قاتىستى رەسمي پىكىر بىلدىرمەگەن.

"The Qazaq Times"