مادۋرو قارجىسىن باسقارعان قازاقستاندىقتىڭ قوس ازاماتتىعى بولۋى مۇمكىن

ءسىم ۆەنەسۋەلا پرەزيدەنتى نيكولاس مادۋرونىڭ قارجىسىن باسقاردى دەگەن قازاقستاندىققا بايلانىستى مالىمدەمە جاسادى.

پارلامەنت ماجىلىسىندە وتكەن ۇكىمەت وتىرىسىنان كەيىن جۋرناليستەر الدىندا ءسوز سويلەگەن سىرتقى ىستەر ۆيتسە-ءمينيسترى ەرجان اشىقباەۆ نكولاس مادۋرونىڭ قارجىسىن باسقاردى دەلىنگەن نۇرلان بايدىلداعا قاتىستى پىكىر ءبىلدىردى.

«ءبىز بۇنداي ادامنىڭ بار ەكەندىگىن بىلەمىز جانە وسىعان بايلانىستى جۇمىستار ءجۇرىپ جاتىر. ءبىز «Bloomberg» باسىلىمىندا جارىق كورگەن اقپاراتتاردىڭ بارلىعى دۇرىس دەپ ايتا المايمىز» - دەدى اشىقباەۆ.

اشىقباەۆتىڭ سوزىنشە، نۇرلان ءبايدىلدانىڭ قوس ازاماتتىعى بولۋى مۇمكىن.

وسى تۇستا ايتا كەتەتىن ءبىر جايت، رەسەيدە زاڭ بويىنشا قوس ازاماتتىق الۋعا رۇقسات بەرىلگەن. بىراق قازاقستاندا بۇعان رۇقسات جوق.

ەستەرىڭىزگە سالايىق، بۇعان دەيىن «Bloomberg» باسىلىمى «ۆەنەسۋەلا پرەزيدەنتى نيكولاس مادۋرو ميلليونداعان دوللار مەملەكەت قارجىسىن «Nurlan Baidilda Ltd» قورىنىڭ باسقارۋىنداعى ەسەپ شوتتاردا ساقتاۋدا. ونى قازاقستاننان شىققان ازامات باسقارۋدا» - دەگەن اقپارات تاراعان.

 "The Qazaq Times"