تاجىكستانداعى اقپاراتتىق سايتتار قاۋىپسىزدىكتى ساقتاۋ ماقساتىندا بۇعاتتالادى. بۇل تۋرالى تاجىكستان سىرتقى ىستەر ءمينيسترى سيرودجيددين مۋحريددين جۋرناليستەرمەن كەزدەسۋ بارىسىندا ايتتى.
"اقپاراتتىق سايتتار ەلدەگى تۇراقتىلىقتى ساقتاۋ ماقساتىندا بۇعاتتالادى. كارتاعا قاراساق، ءبىز اۋعانستانمەن شەكتەسەمىز. سول سەبەپتى الىس-جاقىنداعى باسقا ەلدەر اۋعانستاننىڭ بىزگە اسەرى بار، ءارى ءبىزدىڭ ەلدە دە اۋعانستانداعىداي قيىندىقتار بار دەگەن ويدا. تاجىكستان اسكەري تەحنيكا نە اسكەري جابدىقتار شىعارمايدى. دەسەك تە، ءبىز ايماقتاعى تۇراقتى دامۋ ۇستىندەگى مەملەكەتپىز", - دەدى.
سونداي-اق، ول تاجىكستانداعى ازاماتتىق سوعىسقا اقپاراتتىڭ اشىقتىعى سەبەپ بولعانىن اتاپ ءوتتى.
"كىم قانداي يدەولوگيانى قالاسا، سونى ەركىن تۇردە تاراتىپ وتىردى. بۇل بىزگە ساباق بولدى. اقپاراتتىڭ كۇشى مىقتى، كوپ نارسەگە اسەر ەتەدى. سول سەبەپتى ازاماتتارىمىزدىڭ پاتريوتتىق سەزىمىن وياتۋ ءۇشىن، ءارى جااعدايدى باقىلاۋ ماقساتىندا كەي اقپاراتتىق سايتتار بۇعاتتالادى", - دەدى مينيستر.
سونىمەن بىرگە، تاجىكستاندا اقپاراتتىق سايتتار مەن قاتار الەۋمەتتىك جەلىلەر دە ءجيى بۇعاتتالادى. ماسەلەن، جىلدىڭ باسىندا فەيسبۋك، ينستاگرام، ودنوكلاسسنيكي جانە ۆكونتاكتە الەۋمەتتىك جەلىلەرى بۇعاتتالعان ەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟