ەستونيا كەڭەستەر وداعى كەلتىرگەن زارداپ ءۇشىن رەسەيدەن وتەماقى تالاپ ەتپەك.

ەستونيا ادىلەت ءمينيسترى ۋرماس رەينسالۋ رەسەيدەن وتەماقى الۋ ماسەلەسىن قايتا كوتەردى.

«بۇگىن تارتۋ كەلىسىمى جونىدە ايتىپ جۇرگەندەر ۇمىتپاۋلارى كەرەك، قۇقىقتىق سۇراقتار تاڭداۋ بويىنشا جۇرگىزىلمەيدى. كەڭەس وداعى ءدال وسى تارتۋ كەلىسىمىن بۇزۋ ارقىلى ەستونيانى باسىپ الدى. رەسەي كەڭەس وداعىنىڭ زاڭدى مۇراگەرى رەتىندە وسىنى مويىنداپ، حالىقارالىق قۇقىقتارعا سايكەس، كەلتىرىلگەن شىعىنداردى وتەۋى ءتيىس» - دەپ مالىمدەدى رەينسالۋ.

اقپان ايىنىڭ 2-ءى كۇنى كسرو مەن ەستونيا اراسىندا قابىلدانعان تارتۋ كەلىسىمىنىڭ قابىلدانعانىنا 99 جىل تولدى. 1920 جىلى ەستونيانىڭ تارتۋ قالاسىندا قوس تاراپ حالىقارالىق دارەجەدە ەستونيانى تاۋەلسىز ەل دەپ تانۋ جونىندەگى كەلىسىمگە كەلگەن. رەسمي تاللين مەن ماسكەۋ اتالمىش كەلىسىمگە ەستونيانىڭ 1918 جىلدىڭ قاراشاسى مەن 1919 جىلدىڭ جەلتوقسان ايلارى ارالىعىندا كەڭەس وداعىنا قارسى جۇرگىزگەن ۇلت-ازاتتىق سوعىسىنان كەيىن كەلگەن.

"The Qazaq Times"