قىرعىزستان بيلىگى جات اعىمنىڭ جەتەگىندە كەتكەن قىلمىسكەرلەردى بولەك كولونيادا ۇستاماق

قىرعىزستاننىڭ شۋ وبلىسىنا قاراستى جاڭا-جەر اۋىلىندا تەرروريزم جانە ەكسترەميزممەن سوتتالعاندارعا ارنالعان № 27-ءشى بولەك كورپۋس اشىلدى.

180 ادامعا ارنالعان عيماراتتىڭ قۇرىلىسى مەن جابىدقاتارىنا قىرعىز مەملەكەتى 33 ميلليون 928 مىڭ سوم بولگەن ەكەن.

قىرعىزستان مەملەكەتتىك جازاسىن وتەۋ قىزمەتىنىڭ باسشىسى تالايبەك جاپاروۆتىڭ سوزىنشە، تەررورلىق ارەكەتتەر مەن ەكسترەميزمگە قاتىسى بار ازاماتتار بولەك كامەرادا وتىرۋى ءتيىس.  سونداي-اق بەلوۆود اۋىلىندا ورنالاسقان كولونيانىڭ جانىنان تاعى ءبىر كورپۋس سالۋ جوسپاردا بار ەكەندىگىن تىلگە تيەك ەتتى. ويتكەنى، قىرعىز ەلىندە قاماۋدا وتىرعانداردىڭ ستاتيستيكاسىنا كوز جۇگىرتسەك، مۇنداي جاندار ءدىني ساۋاتى تومەن ازاماتتاردى ءوز ەرىكتەرىنە وڭاي كوندىرىپ الادى ەكەن.

قازىرگى تاڭدا جالپى قىرعىز رەسپۋبليكاسىندا 600-دەن استام ازامات ەكسترەميزم جانە تەرروريزم بويىنشا ءوز مەرزىمدەرىن وتەۋدە. سوڭعى بىرنەشە جىلدىڭ ىشىندە، رەسمي ولاردىڭ تەك، تورتەۋى عانا بۇل باعىتتان باس تارتقان ەكەن.

جاڭادان سالىنعان عيماراتتا سوتتالعان ازاماتتار سپورتپەن شۇعىلدانىپ، سەرۋەندەۋىنە جاعداي جاسالعان. سونىمەن قاتار ارنايى ءوندىرىس ۇستارالارى دا ەڭبەك ەتەم دەگەن ازاماتتار ءۇشىن ءازىر تۇر بۇدان بولەك، بارلىق قىلمىسكەرلەردى ارنايى شەبەرلىككە ۇيرەتىپ، ءدارىس سوڭىندا ارنايى سەرتەفيكات بەرۋ دە قاراستىرىلعان.

قازىرگى تاڭدا جاڭا كورپۋسقا ءجۇز ادامدى الماستىرعان. بولاشاقتا بوس ورىندارعا وزگە تۇرمەلەردەگى ەكسترەميزم جانە تەرروريزممەن جازالانعانداردى اۋىستىرۋ كوزدەلۋدە. وسىلايشا قىرعىزستان بيلىك وكىلدەرى جات اعىمنىڭ جەتەگىندە كەتكەن ازاماتتاردى بولەك وتىرعىزىپ، باعىتتارىن وزگەرتۋدى قالاپ وتىر. سەبەبى، مۇنداي جانداردى قالىپتى دىنگە اكەلۋ ەڭ قيىن جۇمىستاردىڭ ءبىرى.

“The Qazaq Times”