ءال-فارابي اتىنداعى قازاق ۇلتتىق ۋنيۆەرسيتەتى «Times Higher Education» (THE) بەدەلدى الەمدىك رەيتينگىسىندە دامۋشى ەلدەردىڭ 201-250 ۇزدىك جوعارى وقۋ ورىندارىنىڭ توبىنا ەندى.

نارىقتىق ەكونوميكاسى دامىپ كەلە جاتقان ەلدەر ۋنيۆەرسيتەتتەرىنىڭ 2019 جىلعى  رەيتينگىسىن قۇرۋ بارىسىندا كەلەسى كورسەتكىشتەر ەسكەرىلدى: ۋنيۆەرسيتەتتەردىڭ عىلىمي-ءبىلىم بەرۋ قىزمەتىنىڭ تيىمدىلىگى; وقىتۋشىلار قۇرامىنىڭ جانە جۇرگىزىلەتىن زەرتتەۋلەردىڭ دەڭگەيى; عىلىمي ماقالالاردى جاريالاۋ جانە دايەكسوز كەلتىرۋ; حالىقارالىق ىنتىماقتاستىق جانە باسقالار.

تHE  رەيتينگىسىنە الەمنىڭ 43 ەلىنەن 442 ۋنيۆەرسيتەت ۇسىنىلعان. ءبىرىنشى وندىقتىڭ العاشقى ءتورت ورنىن قىتاي حالىق رەسپۋبليكاسىنىڭ جەتى ۋنيۆەرسيتەتى ەنشىلەدى. ءبىرىنشى ورىنعا – تسينحۋا ۋنيۆەرسيتەتى، ەكىنشى ورىنعا – پەكين ۋنيۆەرسيتەتى، بەسىنشى ورىنعا م. لومونوسوۆ اتىنداعى ممۋ جايعاسىپ، ونىنشى ورىنعا تايۆان ۇلتتىق ۋنيۆەرسيتەتى ەندى.

“The Qazaq Times”