تەرەزا مەي. فوتو: esquire.ru

ۇلىبريتانيانىڭ پرەمەر-ءمينيسترى تەرەزا مەي ەۋرووداق قۇرامىنان شىعۋ ءىسىنىڭ ءساتسىز بولۋى مۇمكىن ەكەندىگىن دە جاسىرمايدى.

«ەگەر بريتان پارلامەنتى الداعى داۋىس بەرۋ كەزىندە ەۋرووداقتان شىعۋدى قولدامايتىن بولسا، وندا ۇزاق ۋاقىت تاۋەكەلگە بارعان جۇيەنىڭ تولىعىمەن ساتسىزدىككە ۇشىراۋى مۇمكىن» ، دەپ تەرەزا مەي ءوزىنىڭ اشىق پىكىرىن جەتكىزدى.

سونىمەن قاتار، بريتان ۇكىمەت باسشىسى سوڭعى بىرنەشە اپتا بويى Brexit-ءتىڭ داۋىس بەرۋ كەزەڭىن كەيىنگە قالدىرۋعا، ءتىپتى ورتا جولدان توقتاتۋعا دا ارەكەت جاساپ جاتقانداردىڭ بار ەكەندىگىن العا تارتتى. وسى ورايدا بريتان پارلامەنتى ەۋرووداقتان شىعۋدى قولداماعان جاعدايدا، اعىلشىن تۇرعىندارىنا دەگەن قۇرمەتتىڭ جوق ەكەندىگىن كورسەتەتىندىگىن دە ەسكەرتتى.

ەستەرىڭىزگە سالا كەتەيىك، ۇلىبريتانيا 2016 جىلدىڭ ماۋسىم ايىندا جاڭا رەفەرەندۋم قابىلداپ، ەۋرووداق قۇرامىنان تولىقتاي شىعاتىندىعى تۋرالى مالىمدەگەن بولاتىن. الايدا، وداقتىڭ وزگە ەلدەرى بريتان بيلىگىنىڭ تاراپىنان كەلگەن مۇنداي ۇسىنىستى قابىلداماي، ۇزاق ۋاقىت داۋىسقا سالىپ كەلەدى. ەندى سەيسەنبى كۇنى داۋىس بەرۋدىڭ ازىرشە سوڭعى كەزەڭى بولماق. بىراق، مۇنىڭ ارى قاراي جالعاسا بەرۋى دە عاجاپ ەمەس. قازىرگى تاڭدا بريتان پرەمەر-ءمينيسترى تەرەزا مەي ءدال وسى جيىندا ءوزىنىڭ ماقساتىنا تۇبەگەيلى جەتۋدى كوزدەپ وتىر.

"تhe Qazaq Times"