ترامپ پەن ەردوعان كەلىسىمگە كەلدى

اقش پرەزيدەنتى دونالد ترامپ پەن تۇركيا باسشىسى رەجەپ تايىپ ەردوعان كەلىسىمگە كەلدى.

اۆس تەلەارناسىنىڭ مالىمەتىنشە، ترامپ پەن ەردوعان 14 قاڭتار كۇنى تەلەفون ارقىلى سويلەسكەن. سويلەسۋ بارىسىندا تاراپتار ءسۇريا ماسەلەسىنە قاتىستى كەلىسسوزدەر جۇرگىزىپ، اقش ءسۇريا اۋماعىنان اسكەرىن شىعارعان كۇننىڭ وزىندە بىرلەسىپ جۇمىس ىستەۋگە ۋاعدالاسقان.

بۇدان بولەك ترامپ ەردوعاندا اقش اسكەرى ءسۇريا اۋماعىنان شىعارىلعاننان كەيىن، ۋاشينگتون وداقتاستارى ءسۇريا كۇردتەرى مەن دەموكراتيالىق كۇشتەرىنە زيان تيگىزەتىن ارەكەتتەر جاساماۋعا شاقىرعان.

ەستەرىڭىزگە سالايىق، بۇعان دەيىن دونالد ترامپ: «انكارا ءسۇريا كۇردتەرىنە شابۋىل جاسايتىن بولسا، اقش تۇركياعا سانكتسيا سالادى» - دەپ مالىمدەگەن. وعان جاۋاپ رەتىندە تۇركيا پرەزيدەنتىنىڭ كەڭەسشىسى يبراگيم كالىن ءوزىنىڭ «Twitter» پاراقشاسىنا: «ترامپ مىرزا، تەرروريستەر سىزدەردىڭ وداقتاستارىڭىز بولا المايدى. انكارا ۋاشينگتوننىڭ تۇركيا مەن اقش اراسىنداعى ستراتەگيالىق ارىپتەستىك كەلىسىمىن ساقتايدى دەپ ۇمىتتەنەدى جانە ەكى ەل قارىم-قاتىناسى تەرروريستىك پروپاگاندامەن بىلعانعانىن قالامايدى» - دەپ جازعان.

"تhe Qazaq Times"