جەكسەنبى كۇنى بريتانيانىڭ ۇكىمەت باسشىسى تەرەزا مەي Brexit-كە داۋىس بەرۋدىڭ سوڭعى ءارى شەشۋى كەزەڭى جوسپار بويىنشا 14-15 قاڭتار كۇنى وتەتىندىگىن مالىمدەدى. سونىمەن بىرگە، ەشقانداي دا كەيىنگە شەگەرىلمەيتىندىگىن حابار بەردى.
«ءبىز داۋىس بەرۋدى ءدال وسى كۇندەرى وتكىزۋگە تىرىسىپ وتىرمىز. شىن مانىندە، اتالعان تاقىرىپتى تالقىلاۋ الداعى اپتادا باستالىپ، ودان ءارى تەك، داۋىس بەرۋ ارقىلى شەشىلەتىن بولادى» دەپ تەرەزا مەي ءوز پىكىرىن ءبىلدىردى.
بۇدان بولەك، ەگەر داۋىس بەرۋگە رۇقسات بەرىلمەگەن جاعدايدا، بەيتاراپ شەكارادا قالىپ قوياتىندىقتارىن دا جەتكىزدى.
ەستەرىڭىزگە سالا كەتەيىك، مەي جەلتوقساندا وتەتىن داۋىس بەرۋ كەزەڭىن قاڭتار ايىنا اۋىستىرعان بولاتىن. سەبەبى، برەكسيتتىڭ كەدەندىك جانە بىرىڭعاي نارىققا باعىتتالعان كەلىسىمشارتى سولتۇستىك يرلانديانى قاناعاتتاندىرماعان ەدى. بۇدان بولەك، ۇلىبريتانيانىڭ ۇكىمەت باسشىسى ەۋرووداقتىڭ دا كەيبىر دۇنيەلەرگە كەپىلدىك بەرەمىز دەگەنىن تىلگە تيەك ەتكەن. الايدا، ناقتى قانداي ماقساتتارعا ەكەندىگىن اشىپ ايتپادى.
برەكسيتتىڭ داۋىس بەرۋى جاقىنداعان سايىن، بريتانيا تۇرعىندارىنىڭ دا الاڭداۋى جيىلەي باستادى. وسىلايشا، تاۋەكەلگە باس تىككەلى وتىرعان كورولدىكتىڭ ازاماتتارى ەۋرووداقتاعى ورنىن ساقتاپ قالۋدى نەمەسە قايتا رەفەرەندۋم وتكىزۋدى ۇسىنىپ وتىر.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟