برازيليا پرەزيدەنتى ميشەل تەمەر. فوتو: amazonaws.com

برازيليا پرەزيدەنتى ميشەل تەمەرگە جەمقورلىق جاسادى دەگەن ايىپ تاعىلدى.

رەسمي مالىمەتتەر بويىنشا، ميشەل تەمەر برازيلياداعى ءىرى كولىك كومپانياسىنىڭ قىزمەتىن ىلگەرىلەتۋ ءۇشىن كومپانيا باسشىسىنان 6 ميلليون دوللار كولەمىندە پارا العان. برازيليا جوعارعى سوتىنىڭ توراعاسى مارك اۋرەليونىڭ ايتۋىنشا، سوت ۇكىمى تولىق قارالىپ بىتپەيىنشە «پارا العان» كۇدىكتى تەرگەۋگە الىنادى. قازىرشە جەمقورلىق ايىبى تاعىلعان پرەزيدەنت ءىسى پارلامەنتكە جولدانعان.

ايتا كەتەيىك، برازيليانىڭ ەكس-پرەزيدەنتى لۋلا دا سيلۆاعا دا ءدال وسىنداي ايىپ تاعىلىپ، بىرنەشە مەرزىمگە باس بوستاندىعىنان ايىرىلعان بولاتىن. بىراق، الداعى ۋاقىتتا بۇرىنعى باسشىنىڭ ءىسى قايتا قارالىپ، بوستاندىققا شىعۋى مۇمكىن.

"The Qazaq Times"