فرانتسيا پرەزيدەنتى ەممانۋەل ماكرون ەكونوميكالىق جانە الەۋمەتتىك توتەنشە جاعداي تۋرالى تەلەكوپىر ارقىلى مالىمدەدى.
سونىمەن بىرگە "سارى جيلەت" شەرۋشىلەرى زورلىق ارەكەت جاساعاندىعى دا تالقىلانۋدا.
بۇدان كەيىن فرانتسيا باسشىسى مامىر ايىنان باستاپ بارلىق ەڭبەك جالاقىسىنا كەم دەگەندە 100 ەۋرو قوسىلاتىندىعىنا ۋادە بەردى. سونداي-اق، داعدارىس كەزىندە ونى ەركىن باسىپ ءوتۋ ءۇشىن ءاربىر كومپانيا وزدەرىنىڭ قىزمەتكەرلەرىنە جىلدىق بونۋس تولەۋى ءتيىس دەپ وتىر. سونىمەن بىرگە الەۋمەتتىك ساقتاندىرۋى بار زەينەتكەرلەر ايىنا كەم دەگەندە ەكى مىڭ ەۋرو الاتىنى دا تەلەكوپىر بارىسىندا ايتىلدى.
فرانتسيا پرەزيدەنتىنىڭ ويىنشا، قازىرگى قيىندىقتىڭ نەگىزگى باسى وسىدان 40 جىل بۇرىنعى بيلىكتىڭ قاتە شەشىمدەرىنەن كەيىن باستالعان. سول سەكىلدى قازىرگى جانارماي سالىعىنىڭ تىم قىمباتتاۋىنىڭ تاريحى دا تىم تەرەڭدە جاتقاندىعىن اتاپ ءوتتى.
ەستەرىڭىزگە سالا كەتەيىك، 17 قاراشادان بەرى فرانتسيادا "سارى جيلەت" نارازىلىق شەرۋى باستالعان. جانارماي سالىعىنىڭ ارتۋىنا نارازى بولعان تۇرعىندار فرانتسيانىڭ بىرنەشە قالاسىندا كوتەرىلدى. مۇنىڭ سالدارىنان 1043 ادام ءتۇرلى دەنە جاراقاتىن الىپ، ءۇش ازامات شەرۋ بارىسىندا قازا تاپتى. سونىمەن بىرگە قاۋىپسىزدىك كۇشتەرىنىڭ 222 قىزمەتكەرى دە اتالعان شەرۋ بارىسىندا جاراقاتتانعان.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى