Franciya prezidenti Emmanuel' Makron ekonomikalıq jäne äleumettik tötenşe jağday turalı teleköpir arqılı mälimdedi.

Sonımen birge "sarı jilet" şeruşileri zorlıq äreket jasağandığı da talqılanuda.

Bwdan keyin Franciya basşısı mamır ayınan bastap barlıq eñbek jalaqısına kem degende 100 euro qosılatındığına uäde berdi. Sonday-aq, dağdarıs kezinde onı erkin basıp ötu üşin ärbir kompaniya özderiniñ qızmetkerlerine jıldıq bonus töleui tiis dep otır. Sonımen birge äleumettik saqtandıruı bar zeynetkerler ayına kem degende eki mıñ euro alatını da teleköpir barısında aytıldı.

Franciya prezidentiniñ oyınşa, qazirgi qiındıqtıñ negizgi bası osıdan 40 jıl bwrınğı biliktiñ qate şeşimderinen keyin bastalğan. Sol sekildi qazirgi janarmay salığınıñ tım qımbattauınıñ tarihı da tım tereñde jatqandığın atap ötti.

Esteriñizge sala keteyik, 17 qaraşadan beri Franciyada "sarı jilet" narazılıq şerui bastalğan. Janarmay salığınıñ artuına narazı bolğan twrğındar Franciyanıñ birneşe qalasında köterildi. Mwnıñ saldarınan 1043 adam türli dene jaraqatın alıp, üş azamat şeru barısında qaza taptı. Sonımen birge qauipsizdik küşteriniñ 222 qızmetkeri de atalğan şeru barısında jaraqattanğan.

"The Qazaq Times"