قازاقستان باسشىسى نۇرسۇلتان نازارباەۆ پەن اقش پرەزيدەنتى دونالد ترامپ.

قازاقستان مەن اقش ستراتەگيالىق ارىپتەستىك ورناتۋعا بايلانىستى كەلىسسوزدەر جۇرگىزبەك.

اقش مەملەكەتتىك دەپارتامەنتىنىڭ مالىمەتىنشە، قازاقستان مەن اقش وكىلدەرى 8-12 جەلتوقسان كۇندەرى ارالىعىندا استانا قالاسىندا باس قوسپاق. باس قوسۋدا ستراتەگيالىق ارىپتەستىك، ايماقتىق جانە الەمدىك قاۋىپسىزدىك، تەرروريزممەن كۇرەس، ساۋدا-ەكونوميكالىق بايلانىس، ادام قۇقىعى،  "س5+1" فورماتى اياسىندا جۇمىس ىستەۋ سياقتى ماسەلەلەر تالقىلانادى دەپ جوسپارلانۋدا.

استاناعا كەلەتىن امەريكا دەلەگاتسياسىن اقش مەملەكەتتىك حاتشىسىنىڭ وڭتۇستىك جانە ورتالىق ازيا بويىنشا بىرىنشە كومەكشىسى ەليس ۋەللس باستاپ كەلەدى. بۇدان بولەك دەلەگاتسيا قۇرامىندا اقش-تىڭ ۇلتتىق قاۋىپسىزدىك جانە حالىقارالىق دامۋ اگەنتتىگىنىڭ وكىلدەرى بار.

"The Qazaq Times"