Қазақстан басшысы Нұрсұлтан Назарбаев пен АҚШ президенті Дональд Трамп.

Қазақстан мен АҚШ стратегиялық әріптестік орнатуға байланысты келіссөздер жүргізбек.

АҚШ мемлекеттік департаментінің мәліметінше, Қазақстан мен АҚШ өкілдері 8-12 желтоқсан күндері аралығында Астана қаласында бас қоспақ. Бас қосуда стратегиялық әріптестік, аймақтық және әлемдік қауіпсіздік, терроризммен күрес, сауда-экономикалық байланыс, адам құқығы,  "С5+1" форматы аясында жұмыс істеу сияқты мәселелер талқыланады деп жоспарлануда.

Астанаға келетін Америка делегациясын АҚШ мемлекеттік хатшысының Оңтүстік және Орталық Азия бойынша бірінше көмекшісі Элис Уэллс бастап келеді. Бұдан бөлек делегация құрамында АҚШ-тың ұлттық қауіпсіздік және халықаралық даму агенттігінің өкілдері бар.

"The Qazaq Times"