6 جەلتوقساندا ۋكراينانىڭ جوعارعى راداسى «ۋكراينا مەن رەسەي فەدەراتسياسى اراسىنداعى دوستىق، ىنتىماقتاستىق جانە ارىپتەستىك جونىندەگى كەلىسىمدى توقتاتۋ جونىندەگى» زاڭ جوباسىن ماقۇلدادى.
زاڭ جوباسىن پارلامەنتكە 3 جەلتوقساندا ۋكراينا پرەزيدەنتى پەتر پوروشەنكونىڭ ءوزى ۇسىنعان. وعان كەرچ بۇعازىندا رەسەي ارمياسىنىڭ ءۇش ۋكراين كەمەسىن اتقىلاپ، ۇستاعانى سەبەپ بولدى. قۇجاتقا 277 دەپۋتات داۋىس بەرگەن.
ۋكراينانىڭ سىرتقى ىستەر ءمينيسترى پاۆەل كليمكين ۋكراين ديپلوماتتارى رەسەيمەن 48 كەلىسىمدى توقتاتقانىن، ەندى تاياۋ ۋاقىتتا 40 كەلىسىمگە دە نۇكتە قويىلاتىنىن جەتكىزدى.
ۋكراينا مەن رەسەي اراسىنداعى دوستىق جانە ىنتىماقتاستىق جونىندەگى كەلىسىمگە 1997 جىلدىڭ 31 مامىرىندا سول كەزدەگى مەملەكەت باسشىلارى لەونيد كۋچما مەن بوريس ەلتسين قول قويعان. جوعارعى رادا مەن مەملەكەتتىك دۋما قۇجاتتى بەكىتكەننەن كەيىن، كەلىسىم 1999 جىلدىڭ 1 ساۋىرىنەن باستاپ كۇشىنە ەندى.
6 جەلتوقساندا ۋكراينا جوعارعى راداسى شەكاراشىلارعا تەرريتورياعا قاۋىپ تونگەن كەزدە، ەسكەرتۋسىز وق اتۋعا رۇقسات بەردى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى