فوتو: parstoday.com

كانادا بيلىگى جۋرناليست جامال حاشوگگيدىڭ ولىمىنە قاتىسى بار دەگەن 17 ادامعا سانكتسيا جاريالادى. بۇل تۋرالى كانادانىڭ سىرتقى ىستەر دەپارتامەنتى مالىمدەپ وتىر.

وندا « اتالعان سانكتسيا جۋرناليست جامال حاشوگگيدىڭ ولىمىنە تىكەلەي قاتىسى بار ادامدارعا ارنالادى» دەلىنگەن. سونداي-اق، قۇجاتقا سايكەس بارلىق كىنالى ازاماتتاردىڭ كانادا ەلىندەگى اكتيۆتەرى توقتاتىلىپ، ساۋد ارابياسىنىڭ شەكاراسىنان شىعۋىنا تىيىم سالىنعان.

قازان ايىندا ستامبۋلداعى ساۋد ارابياسىنىڭ كونسۋلدىعىنا كىرگەن جامال حاشوگگيدىڭ ءولى دەنەسى ارادا بىرنەشە كۇن وتكەننەن كەيىن ءبىر-اق تابىلدى. تەرگەۋ جۇمىستارىنا سۇيەنسەك، ءجۋرناليستتى عيماراتقا كىرگەننەن كەيىن بىردەن بۋىندىرىپ ءولتىرىپ، دەنەسىن بولشەكتەپ تاستاعان. سول سەكىلدى مۇنىڭ الدىن الا جوسپارلانعان قىلمىس ەكەندىگى دە انىقتالىپ وتىر. قازىرگى تاڭدا بۇل ىسكە قاتىسى بار دەگەن 18 ساۋد ارابياسىنىڭ شەنەۋنىگى قاماۋعا الىندى.  بۇدان بولەك، تاق مۇراگەرى مۇحاممەد بين سالماننىڭ دا اتالعان وقيعاعا تىكەلەي قاتىسى بار ەكەندىگى دە تەكسەرىلۋدە.

ءدال وسى جاڭالىقتان كەيىن بىرنەشە ەل ساۋد ارابياسىنا قارۋ تاسمالىن توقتاتىپ، ءتۇرلى سانكتسيالار ەنگىزۋدى كوزدەپ وتىر.

اقش پرەزيدەنتى دونالد ترامپ تاق مۇراگەرىنىڭ بۇل ىسكە قاتىسى جوق ەكەندىگىن مالىمدەگەن بولاتىن. الايدا، رەسپۋبليكاشىل-سەناتورلار تسرۋ-دىڭ مالىمدەمەسىن كۇتۋدە. ولاردىڭ ويىنشا، اق ءۇي ەر-ريادپەن اراداعى ەكونوميكالىق بايلانىستى ۇزگىسى كەلمەي وتىر. بىراق، تسرۋ باسشىسىنىڭ مالىمدەمەسىنەن كەيىن اقش تاراپىنان دا ەر-ريادقا قارسى سانكتسيا سالىنۋى مۇمكىن.

"The Qazaq Times"