وزبەكستان ارمياسىنىڭ 10 مىڭ ساربازى ماقتا تەرۋ جۇمىستارىمەن اينالىسۋدا.

وزبەكستاننىڭ سىرداريا وبلىسىنا قاراستى اقالتىن اۋدانىندا 10 مىڭ تۇراقتى ارميا ساربازدارى ماقتا تەرۋ جۇمىستارىنا جەگىلگەن. بۇل جونىندە جەرگىلىكتى باق وكىلدەرىنە ماقتا تەرۋگە كەلگەن ساربازداردىڭ ءبىر ايتقان. كەيىننەن بۇل اقپاراتتى جەرگىلىكتى بيلىك وكىلدەرى دە راستاعان.

ماقتا القابىنا ءبىر جىلدىق كەلىسىمشارت نەگىزىندە كەلگەن ساربازدار مەن اسكەري وقۋ ورىنداردىڭ ستۋدەنتتەرى جەتكىزىلگەن. بۇيرىق بويىنشا، ولار 20 قىركۇيەك پەن 5 جەلتوقسان ارالىعىندا اقالتىن اۋدانىندا بولۋى ءتيىس. بىراق قازىرگى تاڭدا القاپتا تەرەتىن ماقتا قالماعان. دەسە دە، ساربازدار تاڭ اتقاننان كەش باتقانعا دەيىن القاپتا جۇرۋگە مىندەتتەلگەن.

وزبەكستان قورعانىس مينيسترلىگىنىڭ مالىمەتىنشە، جىل سايىن رەسپۋبليكا بويىنشا 30-35 مىڭ ءجاسوسپىرىم اسكەرگە شاقىرىلادى. قازىرگى تاڭدا تۇراقتى ارميا سانى 48 مىڭ ساربازدى قۇرايدى.

"The Qazaq Times"