CNN تەلەارناسى دونالد ترامپتى سوتقا بەردى

CNN تەلەارناسى اق ۇيدەگى ءتىلشىسى دجيم اكوستىڭ اككرەدەتيتسياسىن قالپىنا كەلتىرۋدى تالاپ ەتۋدە.  

12 قاراشا كۇنى اقش-تىڭ ۆاشينگتون ايماعىنداعى كولۋمبيا وكرۋگىنە قارايتىن سوتقا دجيم اكوستىڭ اق ۇيگە كىرۋىنە مۇمكىندىك بەرەتىن اككرەديتاتسيانى قالپىنا كەلتىرۋ تۋرالى شاعىم تۇسكەن. قازىرگى تاڭدا بۇل ىسكە قاتىستى التى ادامنىڭ ەسىمى جازىلعان. اقش پرەزيدەنتى دونالد ترامپ، شتاب باسشىسى دجون كەللي، ءباسپاسوز حاتشىسى سارا ساندەرس، شتاب باسشىسىنىڭ ورىنباسارى بيلل شين جانە قۇپيا قىزمەت ديرەكتورى رەندولف اللەس پەن اكوستتى توقتاتقان قۇپيا قىزمەت وفيتسەرىنىڭ ەسىمى بار.

بۇل ىستەن كەيىن سارا ساندەرس اق ءۇي اكىمشىلىگى وزدەرىن تولىقتاي قورعاپ شىعۋعا دايىن ەكەندىگىن دە مالىمدەگەن بولاتىن.

ەستەرىڭىزگە سالا كەتەيىك، دجيم اكوستقا پرەزيدەنتتىك ءباسپاسوز-كونفەرەنتسياسىنان كەيىن اكرەديتاتسيا بەرۋدەن باس تارتقان بولاتىن. سەبەبى، CNN تەلەارناسىنىڭ ءجۋرناليسى ەڭ العاش ميگرانتتار تۋرالى سۇراق قويىپ، كەيىننەن اقش-تاعى پرەزيدەنتتىك سايلاۋ كەزىندە رەسەيدىڭ ءرولى تۋرالى تاقىرىپتى قوزعاعان. الايدا، ءجۋرناليستى ورتا جولدان توقتاتقان ترامپ: «سىزدەردىڭ ولارعا جۇمىس ىستەگەندەرىڭىز ءۇشىن، CNN-گە ۇياتتى»، دەپ كەسىپ ايتقان بولاتىن.

سونىمەن بىرگە، اق ءۇي ءجۋرناليسى ارىپتەستەرىنە سىيلاستىق تانىتپاي، ميكروفوندى بەرۋدەن باس تارتقاندىعى ءۇشىن  ايىپ تاعىپ وتىر.

"The Qazaq Times"