2019 جىلدىڭ 1 قاڭتارىنان باستاپ ايەل ادامداردىڭ زەينەت جاسى 59-عا كوتەرىلمەك. سەبەبى، بىرنەشە جىل بۇرىن قابىلدانعان زاڭ بويىنشا ولاردىڭ زەينەت جاسى جىل سايىن جارتى جىلدان ءوسىپ وتىرادى. وسىلايشا 2027 جىلى قازاقستانداعى ايەلدەر دە 63 جاسىندا ءوزىنىڭ جۇمىس جولىن تولىعىمەن اياقتاماق.  مۇنداي وزگەرىس قازىرگى تاڭدا 1960 پەن 1964 جىلدار ارالىعىندا تۋعان قازاقستاندىق ازاماتشالارعا قاتىستى.

كەيبىر زاڭ ەرەجەلەرىنە ساي قازاقستاندىقتار زەينەت جاسىنا ەرتە شىعۋ دا قاراستىرىلعان. سەمەي يادرولىق قارۋ پوليگونىندا ءومىر سۇرەتىن ايەلدەر 45 جاسىندا زەينەتكە شىقسا، 5 جانە ودان دا كوپ بالاسى بار انالار 53 جاستا زەينەتكە شىعا الادى.  سونىمەن قاتار زەينەتاقى قورىنداعى قاراجاتى جەتكىلىكتى بولعان ايەلدەر دە 50 جاسىندا ءوز ەركىمەن جۇمىستان بوساۋىنا مۇمكىندىگى بار. 2018 جىلى بۇل سومما 13,5 ميلليون تەڭگەنى قۇراعان بولاتىن.

ال، «Eximar» فورسايتينگ اگەنتتىگىنىڭ ديرەكتورى ايمان تۇرسىنحان ءوزىنىڭ زەينەتاقى قورى تۋرالى ويىنىڭ مۇلدە ەكەندىگىن ايتقان ەدى.

“زەينەتاقى قورىنداعى قارجى قاۋپى تىم جوعارى وبليگاتسيالارعا، قۇلدىراۋدىڭ الدىندا تۇرعان بانكتەرگە جانە بيۋدجەت دەفيتسيتىن جاماۋعا جۇمسالادى. سالىمشىلاردىڭ قارجىسى جۇمىس ىستەمەيدى. قوردان اقشا الاتىندار سانى بەس جىلدان بەرى ءوسىپ كەلەدى. 2015 جىلعا دەيىن زەينەتاقى قورى سالىمداردى جيناپ كەلسە، ەندى جىل سايىن قارجىنىڭ 30 پايىزىن جۇمسايتىن بولدى. جاڭا سالىمشىلاردىڭ كەلۋى باسەڭ. بۇل تاياۋ بەس جىلدا بجزق-نىڭ اقشاسىنىڭ تاۋسىلۋىنا اكەپ سوعادى” دەپ مالىمدەگەن بولاتىن.

"The Qazaq Times"