ترامپ: مەنى اقش-قىتاي قايشىلىعىنىڭ ۋشىعۋى الاڭداتپايدى

اقش پرەزيدەنتى دونالد ترامپ سەيسەنبى كۇنى «2018 جىلعى اقش سۋ ينفراقۇرىلىمى تۋرالى زاڭىنا»  قول قويۋ كەزىندە جۋرناليستەردىڭ اقش-قىتاي قارىم-قاتىناسى تۋرالى سۇراقتارىنا جاۋاپ بەردى.

VOA اگەنتتىگىنىڭ اق ۇيدەگى تۇراقتى ءتىلشىسى گەنمەن: « اقش كەمەلەرىنە تايۋان (تايۆان) بۇعازىنا بارۋى، ونسىزدا قايشىلىقتا تۇرعان ەكى ەل قاتىناسىن ءتىپتى دە شيەلەنىستىرىپ جىبەرۋىنەن الاڭدامايسىز با؟»، – دەگەن سۇراعىنا، پرەزيدەنت ترامپ: «مەنى بۇل الاڭداتپايدى. مەن ەشقاشان بىرنارسەدەن الاڭداعان ەمەسپىن»، – دەپ جاۋاپ بەرگەن.

اقش قورعانىس مينيسترلىگىنىڭ ءباسپاسوز حاتشىسى، قۇرلىق ارمياسىنىڭ پولكوۆنيگى روبەرت ماننينگ اق ۇيدەگى ءباسپاسوز جيىنىندا : «اقش تەڭىز اسكەري كۇشتەرىنىڭ كەرتيس ۋيلبۋر (USS Curtis Wilbur) باسقارىلمالى زىمىرانداردى جويعىش كەمەسى مەن  USS Antietam راكەتالىق كرەيسەر دۇيسەنبى كۇنى حالىقارالىق زاڭدارعا سايكەس تايۋان بۇعازىنان «ءداستۇرلى تۇردە» ءجۇزىپ ءوتتى.»، – دەپ مالىمدەگەن.

اقش كەمەلەرىنىڭ قىتاي تەرريتورياسىنا جاقىن سۋ ايدىنىنا، ايتالىق، داۋلى وڭتۇستىك قىتاي تەڭىزىنىڭ سولتۇستىگىنەن ءجۇزىپ ءوتۋى ەكى ەل اراسىنداعى اسكەري قايشىلىقتى ورشىتە تۇسەدى دەپ بولجانۋدا. دەگەنمەن، اقش وسى ارقىلى قىتايدىڭ ايماقتاعى اسقىنا تۇسكەن اسكەري كەڭەيۋىنە توسقاۋىل قويىپ، حالىقارالىق ورتاق سۋ جولدارىنىڭ جالپىعا بىردەي قولجەتىمدىلىگىن ساقتاۋدى ماقسات ەتپەك.

“The Qazaq Times”