Photo: Akorda.kz

نۇرسۇلتان نازارباەۆ فرانتسيا پرەزيدەنتى ەممانۋەل ماكرونمەن كەزدەستى.

اقوردا ءباسپاسوز قىزمەتىنىڭ مالىمەتىنشە، نازارباەۆ بريۋسسەلدە وتكىپ جاتقان «ازيا-ەۋروپا» فورۋمى اياسىندا فرانتسيا پرەزيدەنتى ەممانۋەل ماكرونمەن كەزدەسكەن. كەزدەسۋ بارىسىندا قوس تاراپ ەكىجاقتىق قارىم-قاتىناس ماسەلەلەرى مەن ايماقتىق جانە حالىقارالىق پروبلەمالار جونىندە پىكىر الماسقان.

ءوز كەزەگىندە نۇرسۇلتان نازاربەۆ اتالمىش كەزدەسۋدەن كەيىن قازاقستان مەن فرانتسيا اراسىنداعى بايدانىس جاڭا دەڭگەيگە كوتەرىلەتىنىنە سەنەتىنىن جانە ەكى ەل اراسىنداعى تاۋار اينالىمى 5 ميلليارد دوللارعا دەيىن جەتۋى مۇمكىن ەكەندىگىن ايتقان.

ال ەممانۋەل ماكرون ءوزىنىڭ فرانتسيا پرەزيدەنتى بولىپ قىزمەتكە كىرىسكەلى بەرى نازارباەۆپەن العاش رەت كەزدەسىپ وتىرعانىن، قازاقستان مەن فرانتسيا اراسىنداعى ستراتەگيالىق كەلىسىمگە قول قويىلعانىنا بيىل 10 جىل تولعانىن تىلگە تيەك ەتكەن.

"The Qazaq Times"