اق ءۇي الداعى ۋاقىتتا ۇلىبريتانيا،  ەو جانە جاپونيامەن ساۋدا كەلىسىمدەرىن قايتا ورناتۋ ءۇشىن كەلىسسوز جۇرگىزۋگە دايىندالۋدا.  بۇل ترامپ-تىڭ اقش پرەزيدەنتى بولىپ سايلانعاننان بەرگى ساۋدا ساياساتىنىڭ ماڭىزدى بولەگى. اق ءۇي الداعى ۋاقىتتا ەو مەن ۇلىبريتانيانى ءبولىپ قاراپ، جەكەلەگەن ساۋدا كەلىسىمىن ورناتۋعا تىرىسادى.

ترامپ ۇكىمەتىنىڭ بۇل ساۋدا ساياساتىن «اۋەلى امەريكا» ساياساتى اياسىندا جۇزەگە اسىرعىسى كەلەدى. ايتالىق، اقش-تىڭ ساۋدا وكىلى روبەرت لايتحەيزەر سوزىندە: «ءبىز بارىنشا قۇراما شتاتتىڭ ءار ءبىر جۇمىسشىلارى مەن فەرمەرلەرى جانە كومپانيالارى ءۇشىن ولارعا ەڭ ءتيىمدى پايدا الا كەلەمىز»،- دەگەن.

لايتحەيزەر كەلىسسوزدەر تۋرالى زاڭدىق شارتتاردى دايىنداۋدى سۇراپ، ءۇش بىردەي حاتتى كونگرەسسكە تاپسىردى. بۇل حاتتا 29 ناۋرىزعا دەيىن ۇلىبريتانيا ەو قۇرامىنان ءبىر جولاتا شىعىپ، تولىق دايىندالىپ بولعاننان كەيىن اقش-ۇلىبريتانيا ساۋدا كەلىسسوزدەرى باستالاتىنى ايتىلعان.

ال ەۋروپالىق وداقپەن ساۋدا قاتىناسى تۋرالى سوزىندە لايتحەيزەر اقش-ەو ساۋدا سەرىكتەستىگى الەمدەگى ەڭ كۇردەلى ءارى ەڭ ۇلكەن ساۋدا قاتىناسى ەكەنىن ايتا كەلىپ، الايدا قازىرگى كەزدە ەو-اقش اراسىنداعى ساۋدا تاپشىلىعى  151 مللرد اقش دوللارىن قۇراعانىن العا تارتقان.

“The Qazaq Times”