فوتو: Anadolu

تۇركيا قاماۋدا وتىرعان امەريكالىق ءپاستوردى بوستاندىققا شىعاراتىن بولدى.

"NBC" تەلەارناسىنىڭ مالىمەتىنشە، تۇركيا مەن اقش بيلىك وكىلدەرىنىڭ قۇپيا كەلىسىمى ناتيجەسىندە رەسمي انكارا قاماۋدا وتىرعان امەريكالىق پاستور ەندريۋ برانسوندى بوستاندىققا شىعارۋعا كەلىسكەن. ازىرگە قوس تاراپتىڭ قانداي قۇپيا كەلىسىمگە كەلگەنى بەلگىسىز. بىراق الدىن الا بولجام بويىنشا، الداعى ۋاقىتتا اقش تۇركياعا سالىنعان سانكتسيالار تىزبەگىن ازايتىپ، ەكونوميكالىق قىسىمىن باسەڭدەتۋى مۇمكىن.

پاستور ەندريۋ برانسون تۇركيادا 2016 جىلدان بەرى قاماۋدا وتىرعان. وعان تۇرىك بيلىگى تەرروريست سانايتىن يسلام ءدىنىن ۋاعىزداۋشى «فەتحۋللاح گۇلەندى قولدادى» دەگەن ايىپ تاعىلعان.

برانسوننىڭ قاماۋعا الىنۋى اقش پەن تۇركيا قارىم-قاتىناسىنىڭ ۋشىعۋىنا الىپ كەلگەن. رەسمي ۋاشينگتون تۇركيا ءىىم مەن ادىلەت مينيسترلىگىنىڭ باسشىلارىنا سانكتسيا سالىپ، اقش-قا تۇركيادان كەلەتىن تاۋارلارعا سالىق كولەمىن ارتتىرعان. ءوز كەزەگىندە تۇركيا پرەزيدەنتى رەجەپ تايىپ ەردوعان ۋاشينگتوننىڭ بۇل ارەكەتىنە جاۋاپ رەتىندە اقش-تان كەلەتىن تاۋارلارعا سالىق كولەمىن بىرنەشە ەسەگە ءوسىرىپ، ەل حالقىن امەريكا دوللارىنان باس تارتۋعا شاقىرعان.

"The Qazaq Times"