يسلام كارىموۆتىڭ ۇلى وزبەك اۋە كومپانياسىن سوتقا بەردى

وزبەكستاننىڭ تۇڭعىش پرەزيدەنتى يسلام كاريموۆتىڭ ءبىرىنشى نەكەسىنەن تۋعان ۇلى پەتر ماسكەۋدەگى تۆەرسك اۋداندىق سوتىنا شاعىمدانىپ، جۇمىس بەرۋشىلەردەن جۇمىسشىلار ايلىعىن بەرۋدى تالاپ ەءتتى.

تۆەرسك اۋداندىق سوتى كاريموۆ دەگەن ازاماتتىڭ «ۋزبەكيستون حاۆو يۋللاري» اۋە كومپانياسىن سوتقا بەرگەنىن راستادى.

"بىزدە راسىندا شاعىم بەرۋشىلەر اراسىندا كاريموۆ دەگەن فاميليا بار. بىراق ونىڭ وزبەكستاننىڭ ەكس-پرەزيدەنتىنىڭ ۇلى ما، جوق پا، بىلمەيمىن. ونىڭ شاعىمى بويىنشا سوت وتىرىسى 24 قازاندا وتەدى. جاۋاپ بەرۋشى – "ۋزبەكيستون حاۆو يۋللاري", - دەدى تۆەرسك اۋداندىق سوتىنىڭ توراعا ورىنباسارى اناستاسيا دزيۋركو.

بىرقاتار باق-تىڭ جازۋىنشا، پەتر كاريموۆ ۇزاق جىلدار بويى «ۋزبەكيستون حاۆو يۋللاري» ۇلتتىق كومپانياسىندا باسشىلىق قىزمەتتە ىستەگەن. بىراق 2016 جىلى اكەسى قايتىس بولعاننان كەيىن، قىزمەتىنەن الىنعان. پەتر كاريموۆتىڭ شاعىمى بويىنشا، كومپانيا جۇمىستان شىعارار الدىندا ايلىق تولەمەگەن.

بىراق «ۋزبەكيستون حاۆو يۋللاري» ۇلتتىق كومپانياسىنىڭ ءباسپاسوز حاتشىسى زۋمراد شودجاليلوۆ جەرگىلىكتى باق-قا كومپانيانىڭ پەتر كاريموۆپەن تولىق ەسەپتەسكەنىن ايتقان. شاعىمدانۋشىعا دا، وسىلاي دەپ جاۋاپ بەرگەن.

يسلام كاريموۆ ءتىرى كەزىندە ونىڭ پەتر اتتى ۇلى جونىندە اشىق ايتىلمايتىن. بىراق سوڭعى جىلدارى باق بەتتەرىندە يسلام كاريموۆتىڭ ناتاليا كۋچمامەن اراداعى نەكەدەن ۇلى بار ەكەندىگى اشىق جازىلىپ ءجۇر.

قازىر 1969 جىلى تۋىلعان پەتر كاريموۆ يسلامۇلى ماسكەۋ وبلىسىندا تۇرادى. ەكونوميكالىق ءبىلىمى بار. ول وسىعان دەيىن ءبىراز ۋاقىت «ازيا-ينۆەست بانكتىڭ» باسقارما باسشىسىنىڭ ورىنباسارى قىزمەتىن اتقارعان.

"The Qazaq Times"