تۇركيا پرەزيدەنتى رەجەپ تايىپ ەردوعان. فوتو: Oxu.az.

تۇركيا پرەزيدەنتى رەجەپ تايىپ ەردوعان: «ساۋد ارابياسى كىناسىزدىگىن دالەلدەۋى كەرەك» - دەپ مالىمدەدى.

رەجەپ تايىپ ەردوعان ستامبۇل قالاسىندا جوعالىپ كەتكەن ساۋد ارابيالىق جۋرناليست دجامال حاشكادجيعا قاتىستى مالىمدەمە جاسادى.

«ءبىز بۇل ىسكە بەي-جاي قاراي المايمىز. جۋرناليست كونسۋلدىققا جۇبايمەن بىرگە كەلەدى. بىراق كونسۋلدىق قىزمەتكەرلەرى عيماراتقا ونىڭ ءوزىن عانا كىرگىزەدى. ول كەرى شىقتى ما، جوق پا بەلگىسىز. ولاردا بەينەكامەرا جازبالارى بار سونى كورسەتسىن. ولار وزدەرىنىڭ كىناسىز ەكەندىكتەرىن دالەلدەۋى كەرەك» - دەدى رەجەپ تايىپ ەردوعان ۆەنگرياعا جاساعان ساپارى كەزىندە سويلەگەن سوزىندە.

ەستەرىڭىزگە سالايىق، بۇعان دەيىن «Anadolu» اقپارات اگەنتتىگى «جوعالىپ كەتكەن جۋرناليست دجامال حاشكادجي ستامبۇلداعى ساۋد ارابيا كونسۋلدىعىندا ءولتىرىلدى» دەگەن اقپارات تاراتقان. كەيىنەن ساۋد ارابيا تاراپى حاشكادجيدىڭ كونسۋلدىق عيماراتىنان امان-ەسەن شىققاندىعىن ايتىپ، تاعىلعان ايىپتاۋلاردى جوققا شىعاران.

"The Qazaq Times"