ۇلىبريتانيا ارمياسى قاۋقارسىز كۇيدە – دەپ حابارلايدى "Daily Mail" باسىلىمى.

باسىلىم مالىمەتىنشە، جىل باسىندا ۇلىبريتانيا سۇڭگۋىر قايىقتارىنىڭ پرەمەر-مينيستر تەرەزا مەيدىڭ بۇيىرىعى بويىنشا سۇرياعا سوققى جاساۋ ءۇشىن جەرورتا تەڭىزىنە اتتانعانى جالعان. سەبەبى قازىرگى تاڭدا ۇلىبريتانيا قارۋلى كۇشتەرىنىڭ اسكەري دايىندىعى قاۋقارسىز كۇيدە. قورعانىس سالاسىنا بولىنەتىن قارجىنىڭ جىل سايىن قىسقارۋى سالدارىنان قازىرگى ۋاقىتتا ۇلىبريتانيا ارمياسى وزگە ەلدىڭ اۋماعىندا اسكەري وپەراتسيا وتكىزگەندى بىلاي قويعاندا، ءوز اۋماعىندا قانداي دا ءبىر اۋقىمدى اسكەري وقۋ-جاتتىعۋ جۇمىستارىن وتكىزۋگە قاۋقارسىز. 2010 جىلعى دەيىن ۇلىبريتانيا ارمياسىنىڭ سانى شامامەن 160 مىڭ ادامدى قۇراعان. بىراق ۇكىمەتتى دەۆيد كەمەرون باسقارعان تۇستا جۇرگىزىلگەن رەفورمالاردىڭ سالدارىنان اسكەر سانى ەكى ەسەگە قىسقارتىلعان.

ەستەرىڭىزگە سالايىق، قاڭتار ايىنىڭ 22-ءى كۇنى ۇلىبريتانيا ارمياسىنىڭ باس شتاب باسشىسى نيك كارتەر: «قازىرگى ۋاقىتتا ۇلىربيتانيا ارمياسى رەسەي قارۋلى كۇشتەرىنەن الدە قايدا ءالسىز. سوڭعى جىلدارى رەسەي ءوزىنىڭ اسكەري قۋاتىن بىرنەشە ەسەگە ارتتىردى» - دەپ مالىمدەگەن.

"The Qazaq Times"