پۋتين كومەكشىسى: رەسەيدىڭ ارمەنياعا كوپتەگەن سۇراعى بار

ۆلاديمير ءپۋتيننىڭ كومەكشىسى يۋري ۋشاكوۆ: «رەسەيدىڭ ارمەنياعا  كوپتەگەن سۇراعى بار» – دەپ مالىمدەدى.

يۋري ۋشاكوۆ رەسەي پرەزيدەنتى ۆلاديمير پۋتين مەن ارمەنيا پرەمەر-ءمينيسترى نيكول پاشينياننىڭ كەزدەسۋىنە قاتىستى پىكىر ءبىلدىردى. ۋشاكوۆتىڭ سوزىنشە، قازىرگى ۋاقىتتا رەسەيدە ارمانياعا قاتىستى قوردالانعان سۇراقتار وتە كوپ. وسىعان بايلانىستى پۋتين مەن پاشينياننىڭ كەزدەسۋى اشىق جانە ءادىل ءوتۋى ءتيىس.

ۆلاديمير پۋتين مەن نيكول پاشينياننىڭ كەزدەسۋى قىركۇيەك ايىنىڭ 8-ءى كۇنى ماسكەۋ قالاسىندا وتەدى. الدىن الا بولدام بويىنشا، كەزدەسۋدەگى نەگىزگى كۇن تارتىبىندەگى ماسەلە رەسەي مەن ارمەنيا قارىم-قاتىناسى بولماق.

رەسەي مەن ارمەنيا قارىم-قاتىناسى بيلىك باسىنا نيكول پاشينيان كەلگەلى بەرى ءبىرشاما سۋىعان. بۇعان پاشينياننىڭ بيلىككە حالىقتىق تولقۋلاردىڭ ناتيجەسىندە كەلۋى سەبەپ بولعان. ەستەرىڭىزدە بولسا، ءساۋىر ايىندا ەرەۆان قالاسىندا باستالعان حالىقتىق تولقۋلاردىڭ ارتى پرەمەر-مينيستر سەرج سارگسياننىڭ وتستاۆكاعا كەتۋىمەن اياقتالعان.

"The Qazaq Times"