فوتو: 20minutes.fr

ۇلىبريتانيانىڭ پرەمەر-ءمينيسترى تەرەزا مەي ەۋروپا وداعى (ەو) قۇرامىنان شىعۋىنا قاتىستى تاعى دا رەفەرەندۋم وتكىزۋ ماسەلەسىنە نۇكتە قويدى، - دەپ حابارلايدى فرانتسيالىق «20minutes.fr» اگەنتتىگى پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

«مەن ەكىنشى رەفەرەندۋم وتكىزۋ ماسەلەسىن قايتادان كوتەرگىسى كەلگەندەردىڭ ءسوزىن تىڭدامايمىن»، - دەگەن مەي «داۋىس بەرۋدى قايتادان وتكىزۋ ازاماتتاردىڭ سەنىمىنە قاياۋ ءتۇسىرىپ، دەموكراتيانى اسىرا پايدالانۋ بولىپ سانالاتىنىن دا» ايتقان. ول «The Telegraph» گازەتىندەگى ءوزىنىڭ باعانىندا ۇلىبريتانيانىڭ 2019 جىلدىڭ 29 ناۋرىزىندا ەۋروپا وداعىنان شىعاتىنىنا كەپىلدىك بەرە وتىرىپ، ۇكىمەتتىڭ «بريتان حالقىنىڭ دەموكراتيالىق شەشىمىن» ورىندايتىنىن جازعان.

ەسكە سالايىق، بۇدان بۇرىن ۇلىبريتانيانىڭ قارجى ءمينيسترى فيليپپ حامموند «Brexit»-ءتىڭ بريۋسسەلدىڭ كەلىسىمسىز بىرىككەن امىرلىكتىڭ بيۋدجەتىنە 80 ملرد فۋنت ستەرلينگ (105,5 ملرد دوللار) كولەمىندە شىعىن اكەلەتىنىن مالىمدەگەن ەدى.

“The Qazaq Times”