بەلارۋس پەن ەۋروپا وداعىنىڭ، ناقتىراق ايتقاندا بەلارۋس پەن پولشا شەكاراسىندا بوسقىندار داعدارىسى كۇشەپ، گەوساياسي تىرەسكە اينالىپ تۇرعان شاقتا، وزبەكستان ەو تارابىنا ىڭعايلى قادام جاسادى. تاشكەنت بيلىگى ورتا شىعىس ەلدەرىنىڭ ازاماتتارىن بەلارۋسقا جەتكىزەتىن اۋە جولدارىنا شەكتەۋ قويدى.
وزبەكتىڭ «ۋزاۆياتسيا»-ءسىنىڭ رەسمي مالىمدەمەسىنە ساي يراك، ءسۇريا، اۋعانستان، يەمەن، ليۆان جانە ليۆيادان بەلارۋسقا ۇشاتىن ازاماتتارعا ۇشاق بيلەتىن ساتۋ شەكتەلدى. بىراق، بۇنداي شەكتەۋلەر بەلارۋستا تۇراقتى تۇرۋعا قۇقىلى نەمەسە ديپلوماتيالىق پاسپورتى بار تۇلعالارعا قاراتىلماعان.
شەكاراداعى بوسقىندار داعدارىسىنا بايلانىستى ەۋروپا وداعى بەلارۋسقا بوسقىندار تاسىعان اۋە جانە تۋريستىك كومپانيالارعا سانكتسيا سالاتىنىن مالىمدەگەن ەدى. وسىدان كەيىن بىرقاتار تۇرىك جانە سۇريالىق اۋە كومپانيالار مەن تۋريستىك كومپانيالار ورتا شىعىستان مينسك باعىتىنداعى اۋە قاتىناسىنا بەلگىلى شەكتەۋلەر كىرگىزدى.
قازىر پولشا-بەلارۋس شەكاراسىندا ميگرانتتاردىڭ داعدارىسى ءالى جالعاسىپ جاتىر، دەگەنمەن كەشەدەن باستاپ بوسقىنداردىڭ بىرقاتارى كەرى قايتىپ جاتقانىن پولشا شەكارا قىزمەتى حابارلاعان. ءالى دە مىڭداعان ميگرانت لاگەرلەردى پانالاپ تۇر.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى